ലണ്ടന്‍: വിംബിള്‍ഡണ്‍ വനിതാവിഭാഗത്തില്‍ അമേരിക്കയുടെ സെറീന വില്യംസും റൊമേനിയയുടെ സിമോണ്‍ ഹാലെപ്പും കിരീടപോരാട്ടത്തിന് നാളെ ഇറങ്ങും. സെമിയില്‍ സെറീന ചെക്ക് റിപ്പബ്ലിക്കിന്റെ ബാര്‍ബോറ സ്ട്രീക്കോവയെ നേരിട്ടുള്ള സെറ്റുകള്‍ക്ക് തകര്‍ത്ത് ഫൈനലില്‍ കടന്നു. (6-1,6-2). രണ്ടാം സെമിയില്‍ ഉക്രയിനിന്റെ വിറ്റോല്‌നയെ മറികടന്ന് ഹാലെപ്പ് തന്റെ ആദ്യ വിംബിള്‍ഡണ്‍ ഫൈനലില്‍ പ്രവേശിച്ചു.(6-1,6-3).
കഴിഞ്ഞ തവണ ഫൈനലില്‍ ജര്‍മ്മനിയുടെ ആഞ്ചലീന കീബറോട് തോല്‍വി ഏറ്റുവാങ്ങിയ സെറീനയ്‌ക്ക് ഇത്തവണത്തെ കിരീടം എട്ടാമത്തേതാകും. എന്നാല്‍ എതിരാളി ഹാലെപ്പ് മുന്‍ ഫ്രഞ്ച് ഓപ്പണ്‍ ചാമ്പ്യനാണ് എന്നത് മത്സരത്തിന് വീര്യംകൂട്ടും.
