മനാലി: അതിര്ത്തിയിലെ സുപ്രധാനമായ കുളു-മനാലി പര്വ്വത പാതയില് വന് ഗതാഗതകുരുക്ക് അനുഭവപ്പെട്ടതായി വാര്ത്തകള്. ബുധനാഴ്ച രാത്രിയില് തുടങ്ങിയ വാഹനക്കുരുക്കും കൊടുംതണുപ്പും കാരണം തീര്ത്ഥാടകരും വിനോദസഞ്ചാരികളുമടക്കം ആയിരക്കണക്കിനാളുകളാണ് 18 മണിക്കുറിലേറെ നേരം വലഞ്ഞത്. ലോകപ്രസിദ്ധമായ വിനോദസഞ്ചാരമേഖലകളായ സിംല പ്രദേശത്തുള്ള കുളു-മനാലി പാതയിലാണ് കുരുക്ക്.
പട്സേവു- സിംഗ്സിംഗ്ബാര് റൂട്ടിലാണ് തടസ്സമുണ്ടായത്. അതിര്ത്തിരക്ഷാസേനാവിഭാഗങ്ങളടക്കം കുരുക്കില് പെട്ടിരിക്കുകയാണ്. മലയിടിഞ്ഞതാണ് കാരണമെന്ന് പ്രദേശവാസികള് പറയുന്നു.സൈന്യം പാത സജ്ജീകരിച്ചുകൊണ്ടിരിക്കുകയാണ്.
