അഭിനന്ദനാകൂ ; പാക് വിമാനം വെടിവെച്ചിടൂ ; വ്യോമസേനയുടെ മൊബൈല്‍ ഗെയിമെത്തി

ന്യൂഡല്‍ഹി : അഭിനന്ദനായി പാക് വിമാനത്തെ വെടിവെച്ചിടാന്‍ ആഗ്രഹമുണ്ടോ ? എങ്കില്‍ ഇതാ നിങ്ങള്‍ക്കായി വ്യോമസേനയുടെ മൊബൈല്‍ ഗെയിം തയ്യാറായിരിക്കുന്നു. എ കട്ട് എബൗ എന്ന പേരില്‍ വ്യോമസേനയുടെ മൊബൈല്‍ ഗെയിം വ്യോമസേന മേധാവി എയര്‍ ചീഫ് മാര്‍ഷല്‍ ബി.എസ് ധനോവയാണ് പുറത്തിറക്കിയത്. നാഷണല്‍ ബാലഭവനില്‍ വച്ച് നടന്ന ചടങ്ങിലാണ് ഗെയിം പുറത്തിറക്കിയത്.

ആന്‍ഡ്രോയിഡിലും ഐഫോണ്‍ ഒഎസ്സിലും ഗെയിം നിലവില്‍ ലഭ്യമാണ്. വിങ്ങ് കമാന്‍ഡര്‍ അഭിനന്ദന്‍ വര്‍ദ്ധമാനോട് സാദൃശ്യമുള്ള കഥാപാത്രമാണ് ഗെയിമിലുള്ളത്. ഗെയിമിന്റെ ടീസറില്‍ അത് വ്യക്തമാക്കുന്നുണ്ട്.

വ്യോമയുദ്ധ വിഭാഗത്തില്‍പെട്ട ഗെയിമാണിത്. ഓണ്‍ലൈന്‍ ആയി ഗെയിം കളിക്കുന്നത് വര്‍ധിച്ചു വരുന്ന സാഹചര്യം ഉപയോഗിച്ച് യുവാക്കളെ കൂടുതല്‍ സേനയിലേക്ക് ആകര്‍ഷിക്കുക എന്ന ഉദ്ദേശ്യവും ഗെയിമിനുണ്ട്. ഈ മാസം ആദ്യം പുറത്തിറങ്ങിയ ടീസറില്‍ സിംഗിള്‍പ്ലേയര്‍ മോഡലാണ് നിലവില്‍ ഗെയിമില്‍ ദൃശ്യമാകുന്നത്. വ്യോമസേനയുടെ ഭാഗമായ പോര്‍വിമാനങ്ങളും മറ്റ് വിമാനങ്ങളും ഗെയിമില്‍ ഉള്‍പ്പെടുത്തിയിട്ടുണ്ട്.

ഇനി വരുന്ന പുതിയ അപ്‌ഡേറ്റുകളില്‍ മള്‍ട്ടി പ്ലേയര്‍ മോഡ് ലഭ്യമാക്കും. നാഷണല്‍ ബാലഭവനില്‍ വച്ച് നടന്ന ചടങ്ങിലാണ് ഗെയിം പുറത്തിറക്കിയത്.

#MobileGame : Chairman Chiefs of Staff Committee & the Chief of the Air Staff Air Chief Marshal BS Dhanoa launched IAF’s latest 3D Mobile gaming application ‘Indian Air Force: A Cut Above’ on Air Combat at National Bal Bhawan, New Delhi, today.@SpokespersonMoD @PIB_India pic.twitter.com/9JlsGFxybv

— Indian Air Force (@IAF_MCC) July 31, 2019