പോര്ട്ട് ഓഫ് സ്പെയ്ന്: ഇന്ത്യ-വെസ്റ്റ് ഇന്ഡീസ് ഏകദിന പരമ്പരയിലെ മൂന്നാമത്തേതും അവസാനത്തേതുമായ ഏകദിനത്തില് ടോസ് നേടിയ വെസ്റ്റ് ഇന്ഡീസ് ബാറ്റിംഗ് തെരഞ്ഞെടുത്തു. ഏകദിന പരമ്പര 1-1 ന് സമനിലയിലാക്കാന് ആതിഥേയര്ക്ക് ജയം അനിവാര്യമാണ്.
മഴ പെയ്യാന് സാധ്യതയുണ്ടെങ്കിലും പോര്ട്ട് ഓഫ് സ്പെയിനില് ടോസ് നേടിയ വിന്ഡീസ് നായകന് ജേസന് ഹോള്ഡര് ആദ്യം ബാറ്റ് ചെയ്യാന് തീരുമാനിക്കുകയായിരുന്നു. ടീമില് രണ്ട് മാറ്റങ്ങളുമായാണ് വെസ്റ്റ് ഇന്ഡീസ് ഇന്ന് ഇറങ്ങുന്നത്. ഷെല്ഡന് കോട്രെല്, ഒഷെയ്ന് തോമസ് എന്നിവര്ക്ക് പകരം കീമോ പോളും ഫാബിയന് അല്ലനും വിന്ഡീസ് ടീമില് ഇടം നേടിയിട്ടുണ്ട്.
രണ്ടാം ഏകദിനത്തില് വിജയിച്ച ടീമില് ഒരു മാറ്റം മാത്രം വരുത്തിയാണ് ഇന്ത്യ ഇറങ്ങുന്നത്. ലെഗ്സ്പിന്നര് യുസ്വേന്ദ്ര ചഹലിന് പകരം കുല്ദീപ് യാദവിനെ ടീമിലുള്പ്പെടുത്തിയിട്ടുണ്ട്. വെസ്റ്റ് ഇന്ഡീസ് താരം ക്രിസ് ഗെയിലിന്റെ അവസാന ഏകദിനമാണിതെന്നും അഭ്യൂഹമുണ്ട്.
വെസ്റ്റ് ഇന്ഡീസ്: ക്രിസ് ഗെയ്ല്, എവിന് ലൂയിസ്, ഷായ് ഹോപ്പ് , ഷിമ്രോണ് ഹെറ്റ്മെയര്, നിക്കോളാസ് പൂരന്, റോസ്റ്റണ് ചേസ്, ജേസണ് ഹോള്ഡര് (ക്യാപ്റ്റന്), കാര്ലോസ് ബ്രാത്വൈറ്റ്, ഫാബിയന് അലന്, കീമോ പോള്, കെമര് റോച്ച്
ഇന്ത്യ: രോഹിത് ശര്മ, ശിഖര് ധവാന്, വിരാട് കോഹ്ലി (ക്യാപ്റ്റന്), റിഷഭ് പന്ത്, ശ്രേയസ് അയ്യര്, കേദാര് ജാദവ്, രവീന്ദ്ര ജഡേജ, ഭുവനേശ്വര് കുമാര്, മുഹമ്മദ് ഷാമി, ഖലീല് അഹമ്മദ്, യുസ്വേന്ദ്ര ചഹല്
