താന്‍ വിരമിക്കുന്ന കാര്യം പ്രഖ്യാപിച്ചിട്ടില്ലെന്ന് ക്രിസ് ഗെയില്‍

വിന്‍ഡീസ്: ഇന്ത്യയക്കെതിരായ മൂന്നാം ഏകദിനത്തിന് ശേഷം വിരമിക്കുന്നുവെന്ന വാര്‍ത്തകള്‍ നിഷേധിച്ച് ക്രിസ് ഗെയില്‍ രംഗത്ത്. ഏകദിന ക്രിക്കറ്റില്‍ നിന്നും താന്‍ വിരമിക്കുന്നുവെന്ന് പറഞ്ഞിട്ടില്ലെന്ന് വെളിപ്പെടുത്തി താരം തന്നെയാണ് രംഗത്തെത്തിയത്.

അതുപോലെ താന്‍ വിരമിക്കുന്നുവെന്ന കാര്യം ആരോടു പറഞ്ഞിട്ടില്ലെന്നും ക്രിസ് ഗെയില്‍ വെളിപ്പെടുത്തി. വെസ്റ്റ് ഇന്‍ഡീസ് ക്രിക്കറ്റ് ടീം പുറത്ത് വിട്ട വീഡിയോവിലാണ് ക്രിസ് ഗെയില്‍ ഇക്കാര്യം വെളിപ്പെടുത്തിയത്.

കഴിഞ്ഞ ദിവസമായിരുന്നു ഇന്ത്യ-വെസ്റ്റിന്‍ഡീസ് ഏകദിന പമ്പരയിലെ മൂന്നാം മത്സരം. മത്സരത്തില്‍ വിന്‍ഡീസിനെ തകര്‍ത്ത് പരമ്പര ഇന്ത്യ സ്വന്തമാക്കിയിരുന്നു. അതേസമയം അവസാന മത്സരമാണെന്ന് കരുതി താരങ്ങളും, ആരാധകരും ഗെയിലിന് യാത്രയയപ്പ് നല്‍കിയിരുന്നു. 41 പന്തില്‍ നിന്ന് 72 റണ്‍സാണ് ഗെയില്‍ നേടിയത്. അഞ്ചു സിക്‌സറുകള്‍ അടങ്ങിയതായിരുന്നു ഗെയിലിന്റെ ഇന്നിങ്‌സ്.

നേരത്തെ, ലോകകപ്പിനു ശേഷം വിരമിക്കുന്നുവെന്നു പറഞ്ഞ ഗെയില്‍ തീരുമാനം മാറ്റിയിരുന്നു. പിന്നീട് ഇന്ത്യയ്‌ക്കെതിരായ ഏകദിനത്തിനു ശേഷം വിരമിക്കുന്നുവെന്ന ഊഹാപോഹങ്ങള്‍ ഉണ്ടായിരുന്നു.
എന്നാല്‍ അക്കാര്യവും ഗെയില്‍ നിഷേധിച്ചിട്ടുണ്ട്.

The question you've all been asking..has @henrygayle retired from ODI cricket?👀 #MenInMaroon #ItsOurGame pic.twitter.com/AsMUoD2Dsm

— Windies Cricket (@windiescricket) August 14, 2019