Defence

ഒരു രാജ്യം , ഒരു സേനാധിപതി , 20 വർഷത്തിലേറെയായ രാജ്യത്തിന്റെ ആവശ്യം ; 70 ദിവസത്തിനുള്ളിൽ നടപ്പാക്കി മോദി സർക്കാർ

ന്യൂഡൽഹി : ‘ പല നിറങ്ങളിൽ , പല ഭാഷകളിൽ വൈവിധ്യങ്ങൾ നിറഞ്ഞ് നിൽക്കുന്ന നമ്മൾ ഒരു കൊടിയ്ക്ക് കീഴിൽ അണി നിരക്കുന്നു , ഈ ഏകോപനം സൈന്യത്തിന്റെ കാര്യത്തിലും വേണം ‘ നാലു വർഷങ്ങൾക്ക് മുൻപ് ഐ എൻ എസ് വിക്രമാദിത്യയിൽ വച്ച് പ്രധാനമന്ത്രി പറഞ്ഞത് ഒരു സൂചനയായിരുന്നു .

ദേശീയ സുരക്ഷാ ഉപദേഷ്ടാവിന്റെ പദവി സൃഷ്ടിച്ചെടുത്ത അടൽ ബിഹാരി വാജ്പേയുടെ പിന്മുറക്കാരനാണ് താനെന്നും , സൈന്യത്തെ ഏകോപിപ്പിക്കുമെന്നുമുള്ള സൂചന . നിലവിൽ അമേരിക്ക ,ബ്രിട്ടൻ,ചൈന,ഫ്രാൻസ് തുടങ്ങിയ രാജ്യങ്ങളിൽ ചീഫ് ഓഫ് ഡിഫൻസ് സ്റ്റാഫ് എന്ന പദവിയോ തത്തുല്യ പദവികളോ നിലവിലുണ്ട് . അതുകൊണ്ട് തന്നെ മോദി ലക്ഷ്യം വയ്ക്കുന്നത് വ്യക്തമാണ് ലോകത്തിലെ നാലാമത്തെ സൈനിക ശക്തിയെ കൂടുതൽ കരുത്തുള്ളതാക്കുക .

രാജ്യം ഭീകരവാദ ഭീഷണി നേരിടുന്ന ഈ സാഹചര്യത്തിൽ പ്രതിരോധ രംഗത്തെ പരമ്പരാഗത ശൈലികൾക്ക് മാറ്റം വരുത്തുകയാണ് പ്രധാനമന്ത്രി . സേനയുടെ ഏകോപനവും നവീകരണവുമായിരിക്കും ചീഫ് ഓഫ് ഡിഫൻസ് സ്റ്റാഫിന്റെ ചുമതലയെന്നും മോദി തന്റെ സ്വതന്ത്യ്രദിന പ്രസംഗത്തിൽ സൂചിപ്പിച്ചിരുന്നു .

സൈന്യത്തിനു നിർണായക നീക്കങ്ങൾ നടത്തേണ്ടി വരുന്ന സാഹചര്യത്തിൽ ഏക സൈന്യാധിപന്റെ തീരുമാനത്തിനാകും പ്രാധാന്യം . കര,നാവിക,വ്യോമസേനകളെ ദ്രുതഗതിയിൽ വിന്യസിപ്പിക്കുന്നതിനും , ആക്രമണത്തിന്റെ ശേഷി പരിശോധിക്കുന്നതിനും ഇനി ഇന്ത്യക്ക് ഏക സൈന്യാധിപൻ ഉണ്ടാകും .

833 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close