Kerala

ജനങ്ങളോട് മാന്യമായി പെരുമാറണം; പാര്‍ട്ടിയുടെ നിലനില്‍പ്പിനായി നേതാക്കളുടെ ശൈലീമാറ്റം ആവശ്യമെന്ന് സിപിഎം വിലയിരുത്തല്‍

തിരുവനന്തപുരം : നേതാക്കളുടെ പെരുമാറ്റത്തില്‍ പൊതു ജനങ്ങള്‍ പൊറുതി മുട്ടിയ സാഹചര്യത്തില്‍ നേതാക്കളോട് ശൈലീമാറ്റം ആവശ്യപ്പെട്ട് സിപിഎം. പാര്‍ട്ടിയുടെ നിലനില്‍പ്പിന് നേതാക്കളുടെ ശൈലീമാറ്റം അത്യാവശ്യമാണെന്നാണ് വിലയിരുത്തല്‍. തിരുവനന്തപുരത്ത് ആരംഭിച്ച സിപിഎം സംസ്ഥാന സെക്രട്ടേറിയേറ്റിലാണ് നേതാക്കന്‍മാര്‍ നിലവിലെ ശൈലി മാറ്റണമെന്ന ആവശ്യം ഉയര്‍ന്നത്.

സിപിഎം നേതാക്കളുടെ ധാഷ്ട്യത്തോടെയുള്ള പെരുമാറ്റം ജനങ്ങളില്‍ അവമതിപ്പുളവാക്കിയിട്ടുണ്ട്. പാര്‍ട്ടി നടത്തിയ ഗൃഹ സന്ദര്‍ശന പരിപാടിയിലടക്കം നേതാക്കള്‍ ജനങ്ങളോട് മോശമായി പെരുമാറി. ഇത് സംബന്ധിച്ച് പാര്‍ട്ടിക്ക് നിരവധി പരാതികളും ലഭിച്ചിട്ടുണ്ട്. അതു കൊണ്ട് തന്നെ പാര്‍ട്ടിയുടെ നിലനില്‍പിനായി നേതാക്കള്‍ ജനങ്ങളോട് സഭ്യമായി പെരുമാറണമെന്നും യോഗത്തില്‍ ആവശ്യമുയര്‍ന്നു.

കൊല്‍ക്കത്തയില്‍ നടന്ന പ്ലീനത്തില്‍ എടുത്ത തീരുമാനങ്ങള്‍ ഒന്നും തന്നെ പാര്‍ട്ടി നടപ്പാക്കിയില്ലെന്നും സെക്രട്ടേറിയേറ്റില്‍ ആക്ഷേപം ഉയര്‍ന്നു. പാര്‍ട്ടിയിലേക്ക് വിവിധ വിഭാഗങ്ങളില്‍പ്പെട്ടവരെയും, യുവാക്കളേയും മുന്‍പത്തെപ്പോലെ ആകര്‍ഷിക്കാന്‍ കഴിയുന്നില്ല. മാത്രമല്ല വനിതാ പ്രാതിനിധ്യം വര്‍ധിപ്പാക്കാനും സിപിഎമ്മിന് സാധിക്കുന്നില്ലെന്നും സെക്രട്ടേറിയേറ്റില്‍ വിമര്‍ശനം ഉയര്‍ന്നു

820 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close