ന്യൂഡല്ഹി:ചെക്ക് റിപ്പബ്ലിക്കില് നടന്ന മിറ്റിങ്ക് റെയിറ്റര് ഇവന്റ് അത്ലറ്റിക്സില് സ്വര്ണം നേടി ഇന്ത്യന് താരങ്ങള്. 300 മീറ്റര് ഓട്ടത്തില് ഹിമ ദാസും മുഹമ്മദ് അനസുമാണ് യഥാക്രമം വനിതാ വിഭാഗത്തിലും പുരുഷവിഭാഗത്തിലുമായി സ്വര്ണം നേടിയത്.യൂറോപ്യന് മല്സരത്തില് ജൂലൈ രണ്ടിന് ഹിമ തന്റെ ആറാം സ്വര്ണം സ്വന്തമാക്കിയിരുന്നു. ജൂലൈ 20ന് ചെക്ക് റിപ്പബ്ലിക്കിലെ നോവോ മെസ്റ്റില് നടന്ന 400 മീറ്റര് മല്സരത്തിലും ഹിമ സ്വര്ണം നേടി.
പുരുഷന്മാരുടെ 300 മീറ്റര് ഓട്ടത്തിലാണ് അനസിന് സ്വര്ണം ലഭിച്ചത്. 32.41 സെക്കന്ഡിലാണ് അനസ് ഓട്ടം പൂര്ത്തിയാക്കിയത്.ദേശീയ റെക്കോര്ഡിന് ഉടമയായ അനസ് സെപ്തംബര് മുതല് ഒക്ടോബര് വരെ ദോഹയില് നടക്കുന്ന ലോക ചാമ്പ്യന്ഷിപ്പില് 400 മീറ്ററില് പങ്കെടുക്കാനുള്ള യോഗ്യത ഇതിനോടകം നേടിയിട്ടുണ്ട്.
