പോര്ട്ട് എലിസബത്ത്: ഇന്ത്യന് ക്രിക്കറ്റ് ടീമിലെ അംഗങ്ങള് അപകടത്തിലാണെന്ന വ്യാജ ഭീഷണിയെ തുടര്ന്നു ടീമിന്റെ സുരക്ഷ വര്ധിപ്പിച്ചു. ടീം വെസ്റ്റ് ഇന്ഡീസ് പര്യടനം നടത്തുന്നതിനിടെയാണ് ബിസിസിഐയ്ക്കു ഭീഷണി സന്ദേശമെത്തിയത്.
ഇന്ത്യന് ടീമിലെ അംഗങ്ങള് അപകടത്തിലാണെന്നും അവരുടെ നീക്കങ്ങള് നിരീക്ഷിച്ചു കൊണ്ടിരിക്കുക ആണെന്നുമായിരുന്നു സന്ദേശം. തുടര്ന്ന് നടത്തിയ അന്വേഷണത്തില് സന്ദേശം വ്യാജമാണെന്ന് കണ്ടെത്തിയതായി അധികൃതര് അറിയിച്ചു. എന്നാല് സംഭവത്തെ തുടര്ന്നു ടീമിന്റെ സുരക്ഷ വര്ധിപ്പിച്ചിട്ടുണ്ട്. ഇന്ത്യന് ടീമിന് അധിക അകമ്പടി വാഹനങ്ങള് ഏര്പ്പെടുത്തിയതായി അധികൃതര് അറിയിച്ചു.