ലണ്ടന്: ജയിക്കാമായിരുന്ന കളി മാഞ്ചസ്റ്റര് യുണൈറ്റഡ് പാഴാക്കി.പ്രീമിയര് ലീഗില് വോള്വര്ഹാംപ്റ്റണിനെതിരായ മത്സരത്തിലാണ് മുന്തൂക്കം കളഞ്ഞുകുളിക്കുകയും തുടര്ന്ന് പെനാല്റ്റി പാഴാക്കി സമനിലകൊണ്ട് തൃപ്തിപ്പെട്ടത്.
ആന്റണി മാര്ഷ്യലാണ് 27-ാം മിനിറ്റിലെ ഗോളിലൂടെ മാഞ്ചസ്റ്ററിനെ മുന്നിലെത്തിച്ചത്.സുന്ദരമായ ഒരു ഇടംകാലനടിയിലൂടെ മാര്ഷ്യല് ടീമിനായി തന്റെ 50-ാം ഗോളും സ്വന്തമാക്കി(1-0).എന്നാല് 55-ാം മിനിറ്റില് റൂബന് നെവിസ് വോള്വ്സിന്റെ ആരാധകരെ ആവേശത്തിലാക്കികൊണ്ട് സമനിലഗോള് നേടി.ഗോളേരിയയുടെ വശത്തുകൂടിയുള്ള ഷോട്ട് ക്രോസ്സ് ബാറിനടുത്തുകൂടെ വലയിലേയ്ക്ക് കയറിയതോടെ വോള്വ്സിന്റെ ലീഗിലെ ആദ്യഗോള് പിറന്നു(1-1).
മികച്ച ടീമിനെതിരെ അതിലും മികച്ച പ്രത്യാക്രമണമാണ് വോള്വ്സ് നടത്തിയത്. ഇതിനിടെ 67-ാം മിനിറ്റില് ലഭിച്ച പെനാല്റ്റിയിലൂടെ വിലപ്പെട്ട രണ്ടു പോയിന്റാണ് മാഞ്ചസ്റ്റര് പാഴാക്കി കളഞ്ഞത്. പെനാല്റ്റി സ്ഥിരം ശാപമായി മാറുന്ന പോള് പോഗ്ബയുടെ കിക്ക് വോള്വ്സിന്റെ ഗോളി റൂയി പട്രീസിയോ രക്ഷപെടുത്തി.ടീമിനായി കിട്ടിയ തുടര്ച്ചയായ മൂന്ന് പെനാല്റ്റികളാണ് പോഗ്ബ സമീപകാലത്തെ കളികളിലായി നഷ്ടപ്പെടുത്തിയത്.ഏറ്റവും രസകരമായ വസ്തുത കഴിഞ്ഞ സീസണില് മൂന്ന് തവണയും ഏറ്റുമുട്ടിയ കളികളില് യുണൈറ്റഡിന് വോള്വ്സിനെ തോല്പ്പിക്കാനായിട്ടില്ല എന്നതാണ്.
