മുംബൈ: ഇന്ത്യൻ ക്രിക്കറ്റ് ടീമിന്റെ ഒഫിഷ്യൽ സ്പോൺസർഷിപ്പ് അവകാശം നിലനിർത്തി പേടിഎം. ഓരോ മത്സരത്തിനും 3.80 കോടി രൂപ എന്ന നിരക്കിലാണ് വണ് 97 കമ്മ്യൂണിക്കേഷന്സ് പ്രൈവറ്റ് ലിമിറ്റഡ് (പേടിഎമ്മിന്റെ ഉടമസ്ഥര്) സ്പോണ്സര്ഷിപ്പ് അവകാശം നേടിയിരിക്കുന്നത്. നിലവിൽ ഇത് 2.4 കോടിയായിരുന്നു. 58 ശതമാനമാണ് വർദ്ധനവ്.
2019-2023 വരെയുള്ള അഞ്ച് വർഷത്തേക്കാണ് പുതിയ കരാർ ഒപ്പിട്ടിരിക്കുന്നതെന്ന് ബിസിസിഐ അറിയിച്ചു. ഇത് പ്രകാരം ഇന്ത്യയിൽ നടക്കുന്ന എല്ലാ രാജ്യാന്തര, ഡൊമസ്റ്റിക് മത്സരങ്ങളുടെയും സ്പോൺസിർഷിപ്പ് അവകാശം പേടിഎമ്മിന് ലഭിക്കും.
അതേസമയം, ഇന്ത്യൻ ടീമിനൊപ്പം വലിയൊരു ഇന്നിംഗ്സ് കെട്ടിപ്പടുക്കാൻ സാധിക്കുന്നതിൽ അഭിമാനമുണ്ടെന്ന് പേടിഎം പ്രതികരിച്ചു.
