ന്യൂഡല്‍ഹി: സച്ചിന്‍ തെന്‍ഡുല്‍ക്കറിന് ശേഷം ആറാം നമ്പറിലോ അതിന് ശേഷമോ ബാറ്റിങ്ങിനിറങ്ങി ഒരു ടെസ്റ്റില്‍ സെഞ്ച്വറിയും അര്‍ധ സെഞ്ച്വറിയും നേടുന്ന ഇന്ത്യന്‍ താരമെന്ന റെക്കോര്‍ഡ് ഇനി ഹനുമ വിഹാരിക്ക്. വെന്‍ഡീസിനെതിരായ കിങ്സ്റ്റണ്‍ ടെസ്റ്റില്‍ ആദ്യ ഇന്നിങ്‌സില്‍ സെഞ്ച്വറിയും രണ്ടാം ഇന്നിങ്‌സില്‍ അര്‍ധസെഞ്ച്വറിയുമാണ് വിഹാരി സ്വന്തമാക്കിയത്.ടെസ്റ്റ് ക്രിക്കറ്റിലെ കന്നി സെഞ്ച്വറിയാണ് വിഹാരിയുടേത്. 2012ല്‍ അണ്ടര്‍ 19 ലോകകപ്പ് കിരീടം നേടിയ ഇന്ത്യന്‍ ടീമില്‍ അംഗമായിരുന്നു വിഹാരി.
പരമ്പരയില്‍ മികച്ച രണ്ട് അര്‍ധസെഞ്ച്വറികളും ഒരു സെഞ്ച്വറിയുമുള്‍പ്പെടെ 289 റണ്‍സാണ് വിഹാനി ഇതുവരെ നേടിയത്.ആറാം നമ്പറിലോ അതിന് ശേഷമോ ബാറ്റിങ്ങിനിറങ്ങി ഒരു ടെസ്റ്റ് മത്സരത്തില്‍ തന്നെ സെഞ്ച്വറിയും അര്‍ധസെഞ്ച്വറിയും സ്വന്തമാക്കിയ ആദ്യത്തെ ഇന്ത്യന്‍ താരം പോളി ഉംറിഗറാണ്. 1962ല്‍ വെസ്റ്റിന്‍ഡീസിനെതിരെ നടന്ന മത്സരത്തിലാണ് പോളി ഈ നേട്ടം കൈവരിച്ചത്.ഇംഗ്ലണ്ടിനെതിരെ 1967ല്‍ ടൈഗര്‍ പട്ടൗഡിയും 1968ല്‍ എംഎല്‍ ജയ്‌സിംഹും 1990ല്‍ സച്ചിനും മിന്നുന്ന പ്രകടനം കാഴ്ചവെച്ച് റെക്കോര്‍ഡുകള്‍ നേടി.
