ലാഹോര്: പാക്കിസ്ഥാന് ക്രിക്കറ്റിന് കരുത്തുപകരാന് മുന് ക്യാപ്റ്റന് മിസ്ബാ ഉള്ഹഖിനെ മുഖ്യപരിശീലകനും ടീം സെലക്ടറായും നിയമിച്ചു. മിക്കി ആര്തറുടെ ഒഴിവിലാണ് മിസ്ബാ ഉള്ഹഖ് കയറിയത്.ഒപ്പം തന്നെ ബൗളിംഗ് കോച്ചായി മുന് ലോകോത്തര പേസ് താരം വാഖാര് യൂനിസിനെയും നിയമിച്ചതായി പാക്കിസ്ഥാന് ക്രിക്കറ്റ് ബോര്ഡ് അറിയിച്ചു.
പാക്കിസ്ഥാനെ 56 ടെസ്റ്റുകളില് നയിച്ച മിസ്ബാ 26 ടെസ്റ്റ് വിജയങ്ങള് നേടിക്കൊടുത്തിട്ടുണ്ട്.കൂടാതെ 75 ടെസ്റ്റുകളിലായി 5222 റണ്സും മിസ്ബാ നേടിയിട്ടുണ്ട്. മൂന്ന് വര്ഷത്തേക്കാണ് കരാര്.ഈ മാസം 27ന് സ്വന്തം മണ്ണില് ശ്രീലങ്കയുമായി ആരംഭിക്കുന്ന മൂന്ന് ഏകദിനങ്ങളും മൂന്ന് ടി 20കളുമാണ് മിസ്ബായ്ക്കും വഖാറിനും ആദ്യമായി കിട്ടിയിരിക്കുന്ന അവസരം.
പാക് ക്രിക്കറ്റ് ടീം പരിശീലകനായി മുന് ഓസീസ് ബാറ്റിംഗ് താരം ഡീന് ജോണ്സ്, മുന് പാക് താരം മൊഹ്സിന് ഖാന് എന്നിവരെ പരിഗണിച്ചിരുന്നു.
