മാഞ്ചസ്റ്റര്: ഇംഗ്ലീഷ് മണ്ണിലും ആഷസ് കിരീടം നിലനിര്ത്തി ഓസ്ട്രേലിയ. നാലാം ടെസ്റ്റില് ഇംഗ്ലണ്ടിനെ 185 റണ്സിന് അടിയറവു പറയിച്ചതോടെ പരമ്പരയില് ഓസ്ട്രേലിയ 2-1ന് മുന്നിലെത്തി. 383 റണ്സ് വിജയലക്ഷ്യവുമായി ബാറ്റിംഗിനിറങ്ങിയ ആതിഥേയര്ക്ക് 197 റണ്സെടുക്കാനേ കഴിഞ്ഞുള്ളൂ.
53 റണ്സെടുത്ത ജോ ഡെന്ലിയാണ് ഇംഗ്ലണ്ട് നിരയിലെ ടോപ് സ്കോറര്. റോബര്ട്ട് ബേണ്സും ജോ റൂട്ടും റണ്സൊന്നുമെടുക്കാതെ പുറത്തായത് ഇംഗ്ലണ്ടിന് രണ്ടാം ഇന്നിംഗ്സില് തിരിച്ചടിയായി. ഓസീസിനായി പാറ്റ് കമ്മിന്സ് 4 വിക്കറ്റ് വീഴ്ത്തി. ഹെയ്സല്വുഡും ലിയോണും രണ്ട് വിക്കറ്റ് വീതം സ്വന്തമാക്കി.
