Kerala

സര്‍ക്കാരിന്റെയും സമിതിയുടെയും പ്രവര്‍ത്തനങ്ങള്‍ വിശാല ഹിന്ദു ഐക്യത്തിന് എതിര്; 50 ലധികം ഹിന്ദു സാമുദായിക സംഘടനകള്‍ പിന്‍മാറുന്നു; തകര്‍ച്ചയുടെ വക്കില്‍ നവോത്ഥാന സംരക്ഷണ സമിതി

കോഴിക്കോട് : മുഖ്യമന്ത്രി പിണറായി വിജയന്റെ നേതൃത്വത്തില്‍ സര്‍ക്കാര്‍ രൂപീകരിച്ച നവോത്ഥാന സംരക്ഷണ സമിതി തകരുന്നു. 50 ലധികം ഹിന്ദു സാമുദായിക സംഘടനകളള്‍ പിന്‍മാറുന്നതായി സമിതിയെ അറിയിച്ചു. ഹിന്ദു പാര്‍ലമെന്റിലെ സാമുദായിക സംഘടനകളാണ് പിന്‍മാറുന്നത്. സര്‍ക്കാരിന്റെയും സമിതിയുടെയും പ്രവര്‍ത്തനങ്ങള്‍ വിശാല ഹിന്ദു ഐക്യത്തിന് തടസ്സമാണെന്ന് തിരിച്ചറിഞ്ഞതിനാലാണ് പിന്‍മാറുന്നതെന്നും സമിതി അറിയിച്ചു. ശബരിമല വിഷയത്തില്‍ നിലവിലെ ഹര്‍ജികള്‍ പരിഗണിക്കുന്നതുവരെ സര്‍ക്കാര്‍ സാവകാശം കാണിക്കണമെന്നാണ് ഹിന്ദു പാര്‍ലമെന്റിന്റെ നിലപാട്

ശബരിയില്‍ യുവതീ പ്രവേശനം അനുവദിച്ചുകൊണ്ടുള്ള സുപ്രീം കോടതി വിധിയ്ക്ക് ശേഷമാണ് സര്‍ക്കാര്‍ നവോത്ഥാന സംരക്ഷണ സമിതി രൂപീകരിച്ചത്. ആരംഭം മുതല്‍ സമിതിയില്‍ തര്‍ക്കങ്ങളും, ഭിന്നതയും രൂക്ഷമായിരുന്നു. ശബരിമലയില്‍ സര്‍ക്കാര്‍ സ്വീകരിച്ച നടപടിക്ക് വിരുദ്ധമായ നിലപാടാണ് തുടക്കത്തില്‍ ഹിന്ദു പാര്‍ലമെന്റ് കൈക്കൊണ്ടത്. പന്നീട് സര്‍ക്കാര്‍ എസ്എന്‍ഡിപിയ്ക്കും  കെപിഎംഎസിനുമൊപ്പം ഹിന്ദു പാര്‍ലമെന്റിനെയും സമിതിയിലേക്ക് ക്ഷണിക്കുകയായിരുന്നു. എന്നാല്‍ നവോത്ഥാന സമിതി സ്ഥിരം സമിതിയായതോടെ അഭിപ്രായ ഭിന്നതകളും ആരംഭിച്ചു.

ലോക്‌സഭാ തെരഞ്ഞെടുപ്പിലെ കനത്ത തിരിച്ചടിയ്ക്ക് ശേഷം സിപിഎമ്മും, സര്‍ക്കാരും വിശ്വാസികള്‍ക്കെപ്പമാണെന്ന് പ്രഖ്യാപിച്ചിരുന്നു. എന്നാല്‍ ഇതില്‍ ആത്മാര്‍ത്ഥത തെളിയിക്കാന്‍ സര്‍ക്കാരിന് ഇതുവരെ കഴിഞ്ഞിട്ടില്ല. ഈ പശ്ചാത്തലത്തിലാണ് നവോത്ഥാന സംരക്ഷണ സമിതിയില്‍ നിന്നും ഹിന്ദു പാര്‍ലമെന്റ് പിന്‍മാറുന്നതെന്ന് ആത്മീയ സഭാ നോതാക്കളും അറിയിച്ചു.

756 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close