Kerala

സ്വകാര്യ ബസ് ജീവനക്കാര്‍ ഇറക്കിവിട്ടു; നടുറോഡില്‍ കുഴഞ്ഞു വീണ വൃദ്ധന്‍ മരിച്ചു

കൊച്ചി: മുവാറ്റുപുഴ വണ്ണപ്പുറം റൂട്ടില്‍ സ്വകാര്യ ബസില്‍ നിന്നു ഇറക്കിവിട്ട വൃദ്ധന്‍ കുഴഞ്ഞു വീണ് മരിച്ചു. ബസില്‍ യാത്ര ചെയ്യവേ ദേഹാസ്വാസ്ഥ്യം അനുഭവപ്പെട്ട എ.ഇ സേവ്യറിനെയാണ് ജീവനക്കാര്‍ നിര്‍ബന്ധിച്ച് ബസില്‍ നിന്നും ഇറക്കി വിട്ടത്.

മൂവാറ്റുപുഴക്ക് യാത്ര ചെയ്തിരുന്ന സേവ്യര്‍ വാഹനത്തില്‍ കുഴഞ്ഞു വീഴുകയും അത് പരിഗണിക്കാതെ 5 കിലോമീറ്റര്‍ അപ്പുറത്തുള്ള ഞാറക്കാട് എന്ന സ്ഥലത്ത് ബസ് ജീവനക്കാര്‍ വലിച്ചിഴച്ച് ഇറക്കി വിടുകയും ചെയ്തുവെന്നാണ് ആരോപണം. പിന്നീട് വണ്ണപ്പുറത്തെ സ്വകാര്യ ആശുപത്രിയില്‍ പ്രവേശിപ്പിച്ച സേവ്യര്‍ ആശുപത്രിയില്‍ വെച്ച് മരിക്കുകയായിരുന്നു.പ്രാദേശിക കോണ്‍ഗ്രസ് പ്രവര്‍ത്തകനാണ് മരിച്ച സേവ്യര്‍.

സംഭവത്തെ തുടര്‍ന്ന ബസ് ജീവനക്കാര്‍ക്കെതിരെ പോലീസ് കേസ് എടുത്തു. വൈദ്യസഹായം ആവശ്യപ്പെട്ടിട്ടും അത് ലഭ്യമാക്കാന്‍ ബസ് ജീവനക്കാര്‍ ശ്രമിച്ചില്ല. പിന്നീട് ഓട്ടോ ഡ്രൈവര്‍മാരാണ് ആശുപത്രിയില്‍ എത്തിച്ചത്.

അതേസമയം, ബസില്‍ നിന്നും സേവ്യറിനെ ഇറക്കി വിട്ടിട്ടില്ലെന്നും അവശതയുള്ളതായി അറിയിച്ചപ്പോള്‍ തന്നെ അടുത്ത സ്‌റ്റോപ്പില്‍ വണ്ടി നിര്‍ത്തി ഓട്ടോയില്‍ കയറ്റി വിടുകയായിരുന്നുവെന്ന് ബസ് ഉടമ പ്രതികരിച്ചു. എന്നാല്‍ ജീവനക്കാര്‍ക്കെതിരായ കേസിനെ സംബന്ധിച്ച് തനിക്ക് അറിവില്ലെന്നും ബസില്‍ കൂട്ടിന് വിടാന്‍ ആളില്ലാത്തതിനാലാണ് ഒറ്റക്ക് വിട്ടതെന്നും അദ്ദേഹം പറഞ്ഞു.

279 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close