സൂറിച്ച്: ഫിഫ അണ്ടര് 17 വനിതാ വേള്ഡ് കപ്പിനുള്ള തീയതിയില് തീരുമാനമായി. ഇന്ത്യ ആതിഥേയത്വം വഹിക്കുന്ന മത്സരം അടുത്ത വര്ഷം നവംബറില് നടത്താനാണ് ഫിഫ തീരുമാനിച്ചിരിക്കുന്നത്. നവംബര് രണ്ട് മുതല് 21 വരെയായിരിക്കും മത്സരങ്ങള് നടക്കുക.
അതേസമയം, മത്സരവേദികളെ സംബന്ധിച്ച കാര്യങ്ങളില് അന്തിമ തീരുമാനമായിട്ടില്ലെന്ന് ഫിഫ വ്യക്തമാക്കി. ആതിഥേയരായ ഇന്ത്യ പ്രധാന അഞ്ച് നഗരങ്ങളുടെ പട്ടിക നല്കിയിരുന്നെങ്കിലും ഇവിടുത്തെ സ്റ്റേഡിയങ്ങളുടെ പരിശോധന പൂര്ത്തിയാകാത്തതിനാലാണ് വേദികളുടെ കാര്യത്തില് തീരുമാനമാകാത്തത്.
ഈ വര്ഷം അവസാനമാണ് രണ്ടാം ഘട്ട പരിശോധന. അഞ്ച് വേദികള്ക്കു പുറമേ വേറെയും നഗരങ്ങള് കൂടി മത്സരവേദിക്കായി പരിഗണനയിലുണ്ടെന്ന് ടൂര്ണമെന്റ് ഡയറക്ടര് റോമ ഖന്ന പറഞ്ഞു. നിലവില് കൊല്ക്കത്ത, ഭുവനേശ്വര്, അഹമ്മദാബാദ്, ഗോവ, നവി മുംബൈ എന്നിവടങ്ങളിലാണ് പരിശോധന പൂര്ത്തിയായത്.
രണ്ടാം തവണയാണ് ഇന്ത്യ ലോകകപ്പ് ഫുട്ബോളിന് വേദിയാകുന്നത്.2017 ല് പുരുഷന്മാരുടെ അണ്ടര് 17 ലോകകപ്പ് നടന്നതും ഇന്ത്യയിലായിരുന്നു.
