ഖസാക്കിസ്ഥാൻ : ഇന്ത്യൻ ഗുസ്തി അഭിമാന താരങ്ങളായ ബജ്രംഗ് പൂനിയയും വിനേഷ് പൊഖാട്ടും ലോക ഗുസ്തി ചാമ്പ്യഷിപ്പിലെ ടോപ് റാങ്കിങ്ങോടെ പട്ടികയിലിടം നേടി . ഇരുവർക്കും ഇത് ലോക ഗുസ്തി സ്വർണ്ണമെഡലിനപ്പുറം ടോക്കിയോ ഒളിമ്പിക്സ് മെഡലിനായുള്ള തയ്യാറെടുപ്പും കൂടിയാണ്.
അറുപത്തിയഞ്ച് കിലോ വിഭാഗത്തിൽ കഴിഞ്ഞ നാല് ചാംപ്യൻഷിപ്പുകളിൽ സ്വർണം നേടിയ ഭജ്രംഗ് പൂനിയ നിലവിൽ ഈ വിഭാഗത്തിലെ ലോക ഒന്നാം നമ്പർ താരമാണ്. വനിതാ കായിക പ്രതിഭയായ വിനേഷ് പൊഖാട്ടാകട്ടെ മത്സരിക്കുന്ന വിഭാഗത്തിൽ 53ൽ നിന്നും 50 കിലോ വിഭാഗത്തിലേക്ക് എൻട്രി കിട്ടിയശേഷമുള്ള ആദ്യ ലോക ചാംപ്യൻഷിപ്പാണിത് .ഈ സീസണിൽ മത്സരിച്ച അഞ്ചു ചാംപ്യൻഷിപ്പുകളിലും ഫൈനലിൽ കളിച്ചുകഴിഞ്ഞ ആത്മ വിശ്വാസത്തിലാണ് വിനേഷ് .
പുരുഷവിഭാഗം ഫ്രീസ്റ്റൈല് ഗുസ്തിയിൽ മുൻപ് സുശീൽ കുമാർ മാത്രമാണ് ലോക ചാമ്പ്യനായിട്ടുള്ള ഏക ഇന്ത്യൻ താരം .അതിനാൽ ഇത്തവണ ആ നേട്ടം കൊയ്യാൻ പൂനിയക്ക് അസുലഭ അവസരമാണ് മുന്നിലുള്ളത് .എട്ടു വർഷങ്ങൾക്കു ശേഷം സുശീൽ ഈ ലോക ചാമ്പ്യൻഷിപ്പിൽ ഇറങ്ങുന്നു എന്ന പ്രത്യേകതയും ഉണ്ട് .
