‘ജനഗണമന’ പാടി അമേരിക്കൻ സൈന്യം; വൈറലായി വീഡിയോ

വാഷിംഗ്ടൺ: ഇന്ത്യൻ ദേശീയഗാനം വായിച്ച് യുഎസ് സൈനിക ബാൻഡ്. ഇന്ത്യ-അമോരിക്ക സംയുക്ത സൈനിക അഭ്യാസത്തിന്റെ ഭാഗമായാണ് അമേരിക്കന്‍ സൈന്യം ‘ജനഗണമന’ ഓര്‍ക്കസ്ട്രയില്‍ വായിച്ചത്. ഇതിന്റെ വീഡിയോ ഇതിനോടകം തന്നെ സാമൂഹിക മാദ്ധ്യമങ്ങളിൽ വൈറലായിക്കഴിഞ്ഞു.

വാഷിംഗ്ടണിൽ സംഘടിപ്പിച്ച യുദ്ധഭ്യാസ് എന്ന പേരുള്ള ഇന്ത്യ യുഎസ് സംയുക്ത സൈനികാഭ്യാസം കഴിഞ്ഞ വെള്ളിയാഴ്ചയാണ് ആരംഭിച്ചത്. ഇതിന്റെ സമാപന ദിവസമായ ഇന്നലെയാണ് യുഎസ് സൈന്യം ‘ജനഗണമന’ വായിച്ചത്.

#WATCH USA: American Army band playing Indian National Anthem during the Exercise Yudh Abhyas 2019 at Joint Base Lewis, McChord. pic.twitter.com/J9weLpKD3X

— ANI (@ANI) September 19, 2019

സംയുക്ത സൈനിക അഭ്യാസത്തിനിടെ ഇന്ത്യന്‍ സൈനികരോടൊപ്പം പാട്ടുപാടി നൃത്തം ചെയ്യുന്ന അമേരിക്കന്‍ സൈനികരുടെ വീഡിയോ നേരത്തെ പുറത്തുവന്നിരുന്നു.

ഇന്ത്യന്‍ സൈന്യത്തിന്റെ മാർച്ചിംഗ് ഗാനമായ ‘ബദ്‌ലുറാം കാ ബാദന്‍’ ആയിരുന്നു സംയുക്ത അഭ്യാസത്തിനിടെ ഇരുസൈന്യവും ചേര്‍ന്ന് ആലപിച്ചത്.  രണ്ടാം ലോക മഹായുദ്ധ സമയത്ത് ധീരമായി പോരാടിയ ബദ്‌ലുറാമിനോടുള്ള ആദര സൂചകമായാണ് ഇന്ത്യന്‍ സൈന്യം ഈ ഗാനം ഉപയോഗിച്ചിരുന്നത്.

#WATCH Indian and American soldiers sing and dance on the Assam Regiment's marching song ‘Badluram ka badan zameen ke neeche hai’ during Exercise 'Yudhabhyas' being carried out at Joint Base Lewis, McChord in the United States of America pic.twitter.com/6vTuVFHZMd

— ANI (@ANI) September 15, 2019