സെന്റ്പീറ്റേഴ്‌സ് ബര്‍ഗ്: റഷ്യന്‍മണ്ണില്‍ ഇന്ത്യന്‍ യുവതാരത്തിന് സ്വപ്‌ന നേട്ടം.ടെന്നീസിലെ പ്രമുഖ ടൂര്‍ണ്ണമെന്‌റിലാണ് ഇന്ത്യയുടെ ദിവിജ് ശരണ്‍-ഇഗര്‍ സെലനേയ് സഖ്യം കിരീടം ചൂടിയത്.മറ്റേയോ ബറേറ്റിനി-സൈമണ്‍ ബൊലേലി സഖ്യത്തെയാണ് ദിവിജ്- ഇഗര്‍ സഖ്യം 6-3,3-6,10-8ന് തോല്‍പ്പിച്ചത്.ലോക എടിപി റാങ്കിങ്ങില്‍ നിലവില്‍ 44-ാംമതാണ് ഇന്ത്യന്‍ താരം.
ആദ്യസെറ്റ് കാര്യമായ പോരാട്ടമില്ലാതെ നേടിയ ഇന്ത്യാ-സ്ലോവേക്യന്‍ ടീം പക്ഷെ രണ്ടാം സെറ്റില്‍ പരാജയപ്പെട്ടു. തുടര്‍ന്നുള്ള സെറ്റില്‍ അതിശക്തമായ പോരാട്ടത്തിനൊടുവിലാണ് കിരീടം പിടിച്ചെടുത്ത പോരാട്ടം നടത്തിയത്.
ഇന്ത്യന്‍ താരത്തിന്റെ വിദേശമണ്ണിലെ കിരീടനേട്ടത്തിന് കേന്ദ്ര കായിക മന്ത്രി കിരണ്‍ റിജിജു ആശംസകള്‍ നേര്‍ന്നു.
