മുംബൈ: ജനുവരിയില് നടക്കാനിരിക്കുന്ന ട്വന്റി20 പരമ്പരക്ക് സിംബാബ്വേ എത്തില്ല. സിംബാബ്വേക്ക് പകരം ശ്രീലങ്ക എത്തുന്നതോടെ അടുത്ത വര്ഷം ഇന്ത്യയുടെ ആദ്യ ഹോം പരമ്പരക്ക് തുടക്കമാകും. ഗുവാഹത്തിയില് ജനുവരി അഞ്ചിനാണ് ആദ്യ മത്സരം. രണ്ടാം മത്സരം ജനുവരി ഏഴിന് ഇന്ഡോറിലും മൂന്നാം മത്സരം ജനുവരി പത്തിന് പുണെയിലുമാണ് നടക്കുക.
ക്രിക്കറ്റ് ഭരണത്തില് സര്ക്കാര് ഇടപെടുന്നതിനേ തുടര്ന്ന് കഴിഞ്ഞ ജൂലൈയില് ഐസിസി സിംബാബ്വേക്ക് വിലക്ക് ഏര്പ്പെടുത്തിയിരുന്നു. ലണ്ടനില് നടന്ന ഐസിസി വാര്ഷിക സമ്മേളനത്തിലാണ് സിംബാബ്വേക്ക് വിലക്കേര്പ്പെടുത്തിക്കൊണ്ടുള്ള തീരുമാനമയത്. ഈ സാഹചര്യത്തിലാണ് ബിസിസിഐ ശ്രീലങ്കയെ ഇന്ത്യയിലേക്ക് ക്ഷണിച്ചത്.
വിലക്കേര്പ്പെടുത്തിയതോടെ സിംബാബ്വെ ക്രിക്കറ്റിന് ഐസിസി ധനസഹായം ലഭിക്കില്ല. സസ്പെന്ഷന് നീക്കുന്നതുവരെ ടീമിന് ഐസിസി മത്സരങ്ങളില് പങ്കെടുക്കാനും അനുവാദമില്ല. സസ്പെന്ഷനെത്തുടര്ന്ന് 2019 ഒക്ടോബറില് ആരംഭിക്കുന്ന പുരുഷ ട്വന്റി20 ലോകകപ്പ് യോഗ്യതാ ടൂര്ണമെന്റിലെ സിംബാബ്വെയുടെ പങ്കാളിത്തവും സംശയത്തിലാണ്.
