അയേഴ്സ്: 2020 ലെ കോപ്പ അമേരിക്ക കിരീടം തങ്ങൾ ഉയർത്തുമെന്ന് അർജന്റീന നായകൻ ലയണൽ മെസി. അർജന്റീനയ്ക്ക് ഒപ്പം ഒരു കിരീടമെന്ന തന്റെ ഏറ്റവും വലിയ ആഗ്രഹം ഉടൻ സത്യമാകും. സ്വന്തം കാണികളുടെ മുന്നിൽ വച്ച് കപ്പുയർത്താനാവുമെന്നാണ് പ്രതീക്ഷിക്കുന്നത്. തങ്ങളുടെ രാജ്യത്ത് നടക്കുന്ന ടൂര്ണമെന്റ് എന്നതിന്റെ ആനുകൂല്യം അർജന്റീന മുതലെടുക്കേണ്ടതുണ്ടെന്നും മെസി പറഞ്ഞു.
2020ലെ കോപ്പ അമേരിക്ക ടൂർണമെന്റ് നടക്കുന്നത് അർജന്റീനയിലും കൊളംബിയയിലുമായാണ്. അര്ജന്റീനയ്ക്കായി ഒരു കിരീടം സ്വന്തമാക്കാനുള്ള മെസിയുടെ അവസാന അവസരവും ഒരു പക്ഷേ ഇതായിരിക്കും. കാലങ്ങളായി കേള്ക്കുന്ന പഴികള്ക്ക് അറുതി വരുത്താന് മെസിക്ക് ഈ കിരീടം അനിവാര്യവുമാണ്.
