റിയാദ്: കഴിഞ്ഞ ദിവസം നടന്ന അര്ജന്റീന-ബ്രസീല് സൗഹൃദ മത്സരത്തില് സൂപ്പര് താരം ലയണല് മെസിയുടെ ഗോളിലാണ് അര്ജന്റീന ജയിച്ചത്. 13ാം മിനിട്ടില് ലഭിച്ച പെനാല്ട്ടിയിലൂടെയാണ് മെസി അര്ജന്റീനയുടെ വിജയ ഗോള് നേടിയത്. എന്നാല് മെസിയോട് ഗോളടിക്കരുതെന്ന് അഭ്യര്ത്ഥിക്കുന്ന ഒരു മലയാളി ബ്രസീല് ആരാധകന്റെ വീഡിയോയാണ് ഇപ്പോള് സമൂഹ മാദ്ധ്യമങ്ങളില് വൈറലായിരിക്കുന്നത്.
10ാം മിനിട്ടില് ബ്രസീലിന് ലഭിച്ച പെനാല്ട്ടി ഗബ്രിയേല് ജീസസ് പാഴാക്കിയിരുന്നു. ഇതിനു തൊട്ടുപിന്നാലെയാണ് 13ാം മിനിട്ടില് മെസിയെ ബോക്സില് വീഴ്ത്തിയതിന് റഫറി അര്ജന്റീനക്ക് അനുകൂലമായി പെനാല്ട്ടി വിധിച്ചത്. മെസ്സിയെടുത്ത പെനാല്റ്റി കിക്ക് ബ്രസീല് ഗോള് കീപ്പര് അലിസന് തടഞ്ഞിട്ടെങ്കിലും പന്ത് മെസിയുടെ കാലിലേക്ക് തന്നെ തിരികെ വരികയും അദ്ദേഹം അത് ഗോളാക്കി മാറ്റുകയുമായിരുന്നു. ഇതിനു തൊട്ടുമുന്പാണ് റിയാദിലെ കിംഗ് സൗദ് സ്റ്റേഡിയത്തില് രസകരമായ സംഭവമുണ്ടായത്.
Malayali Daa… pic.twitter.com/SxLlKeWnv8
— GabitO (@MhdShafiKP) November 16, 2019
പന്തുമായി പെനാല്ട്ടി കിക്ക് എടുക്കാന് തയാറെടുക്കുന്ന മെസിയോട് ‘മെസ്യേ…അടിക്കണ്ട മെസ്യേ…നാട്ടിലെ ചെക്കന്മാര് സൈ്വര്യം തരില്ല മെസ്യേ’ എന്നാണ് മലയാളി യുവാവ് അഭ്യര്ത്ഥിക്കുന്നത്. ഇതിനു പുറമെ, ബ്രസീലിയന് ഗോള് കീപ്പര് അലിസണെ മറ്റൊരാള് പേരെടുത്തു വിളിക്കുന്നതും കേള്ക്കാം. മെസിയുടെ കിക്ക് ആദ്യം അലിസണ് തടഞ്ഞപ്പോള് ഇവര് ആഹ്ലാദിക്കുന്നതും വീഡിയോയിലുണ്ട്.
