കൊൽക്കത്ത: വെസ്റ്റ് ഇൻഡീസിനെതിരായുള്ള ഏകദിന – ട്വന്റി20 പരമ്പരയ്ക്കുള്ള ഇന്ത്യൻ ടീമിനെ പ്രഖ്യാപിച്ചു. പേസർ ഭുവേനേശ്വർ കുമാറും സ്പിന്നർ കുൽദീപ് യാദവും ടീമിലേക്ക് മടങ്ങിയെത്തി. ബംഗ്ലാദേശിനെതിരായുള്ള ട്വന്റി20 പരമ്പരയിൽ വിശ്രമത്തിലായിരുന്ന നായകൻ വിരാട് കോഹ്ലിയും തിരിച്ചെത്തി.
മുംബൈ ഓൾറൗണ്ടർ ശിവം ദുബെയാണ് ഏകദിന ടീമിലെ ഏക പുതുമുഖം. ആഭ്യന്തര ക്രിക്കറ്റിൽ മികച്ച പ്രകടനം കാഴ്ചവച്ച ദുബെ ട്വന്റി20 ടീമിലും ഇടം പിടിച്ചു. ഏകദിനത്തിലും ട്വന്റി20യിലും റിഷഭ് പന്താണ് ടീമിന്റെ വിക്കറ്റ് കീപ്പർ.
ടെസ്റ്റിൽ മികച്ച രീതിയിൽ പന്തെറിയുന്ന മുഹമ്മദ് ഷമി ട്വന്റി 20 ടീമിലേക്ക് മടങ്ങിയെത്തിയപ്പോൾ ഖലീൽ അഹമ്മദും ഷാർദ്ദൂൽ താക്കൂറും ടീമിൽ നിന്ന് പുറത്തായി. ക്രുണാൽ പാണ്ഡ്യക്ക് പകരം രവീന്ദ്ര ജഡേജയെയും ടീമിൽ ഉൾപ്പെടുത്തിയിട്ടുണ്ട്. ബംഗ്ലാദേശിനെതിരായ പര്യടനത്തിൽ ടീമിലുണ്ടായിരുന്ന മലയാളി താരം സഞ്ജു വി സാംസണെയും സെലക്ടർമാർ പരിഗണിച്ചില്ല.
ഏകദിന ടീം: വിരാട് കോഹ്ലി (നായകൻ), രോഹിത് ശർമ്മ, ശിഖർ ധവാൻ, കെ എൽ രാഹുൽ, ഋഷഭ് പന്ത്, മനീഷ് പാണ്ഡെ, ശ്രേയസ് അയ്യർ, കേദാർ ജാദവ്, രവീന്ദ്ര ജഡേജ, ശിവം ദുബെ, യൂസ് വേന്ദ്ര ചഹൽ, കുൽദീപ് യാദവ്, മുഹമ്മദ് ഷമി, ദീപക് ചഹർ, ഭുവനേശ്വർ കുമാർ.
ട്വന്റി20 ടീം: വിരാട് കോഹ്ലി, രോഹിത് ശർമ്മ, ശിഖർ ധവാൻ, ഋഷഭ് പന്ത്, മനീഷ് പാണ്ഡെ, ശ്രേയസ് അയ്യർ, ശിവം ദുബെ, രവീന്ദ്ര ജഡേജ, വാഷിംഗ്ടൺ സുന്ദർ, യൂസ് വേന്ദ്ര ചഹൽ, കുൽദീപ് യാദവ്, ദീപക് ചഹർ, മുഹമ്മദ് ഷമി, ഭുവനേശ്വർ കുമാർ
