ഡേവിസ് കപ്പ് ടെന്നീസ്: സിംഗിള്‍സിലൂടെ ഇന്ത്യക്ക് വിജയത്തുടക്കം

കസാഖിസ്ഥാന്‍: പാക്കിസ്ഥാനെ സിംഗിള്‍സ് മത്സരങ്ങളില്‍ തകര്‍ത്ത് ഇന്ത്യ ഡേവിസ് കപ്പ് ടെന്നീസില്‍ വിജയത്തോടെ തുടങ്ങി. ഇന്നലെ നടന്ന രണ്ടു സിംഗിള്‍സിലും ഇന്ത്യന്‍ ടീം ജയം നേടി. രാംകുമാറും സുമിതുമാണ് അവരവരുടെ മത്സരം കൈപ്പിടിയിലാക്കിയത്.

രാംകുമാര്‍ രാംനാഥ് പാക് താരം ഷൊഐബ് മുഹമ്മദിനെതിരെയാണ് കളിച്ചത്. ഒരു സെറ്റ് പോലും വിട്ടുകൊടുക്കാതെയാണ് തകര്‍പ്പന്‍ ജയം നേടിയത് (6-0,6-0). രണ്ടാം സിംഗിള്‍സില്‍ സുമിത് നാഗല്‍ ഏറ്റുമുട്ടിയത് ഹുസൈഫ് അബ്ദുള്‍ റഹ്മാനുമായിട്ടായിരുന്നു. ആദ്യസെറ്റ് 6-0ന് അനായാസം നേടിയ ഇന്ത്യന്‍ താരം രണ്ടാം സെറ്റ് 6-2ന് സ്വന്തമാക്കി.

What a start to our @DavisCup tie against Pakistan. Top performances by @ramkumar1994 and @nagalsumit today to give us a 2-0 lead. Can’t wait to get on court tomorrow with @JeevanN2010🎾Thank you to everyone who came out to support 🇮🇳 @ITF_Tennis #DavisCup #IndvsPak pic.twitter.com/zp9qADwSJ2

— Leander Paes OLY (@Leander) November 29, 2019

ഇന്ന് ആദ്യം നടക്കുക ഡബിള്‍സ് മത്സരങ്ങളാണ്. തുടര്‍ന്ന് റിവേഴ്‌സ് സിംഗിള്‍സും നടക്കും. ഡബിള്‍സില്‍ ഇന്ത്യയുടെ ഗ്രാന്റ്സ്ലാം ചാമ്പ്യന്‍ ലിയാന്റര്‍ പയസും എന്‍ ജീവനുമാണ് പാക് നിരക്കെതിരെ കളിക്കുക. ഡബിള്‍സ് ജയത്തോടെ ഇന്ത്യക്ക് ലോക ഗ്രൂപ്പില്‍ യോഗ്യതകിട്ടും. ഡേവിസ് കപ്പില്‍ പയസ്സ് ഏറ്റവും കൂടുതല്‍ ജയം നേടുന്ന താരമെന്ന നേട്ടത്തിനരികെയാണുള്ളത്. പാകിസ്ഥാനില്‍ നടക്കാനിരുന്ന മത്സരം ഇന്ത്യയുടെ എതിര്‍പ്പുകാരണം ലോക ടെന്നീസ് ഫെഡറേഷന്‍ നിഷ്പക്ഷ വേദിയായ കസാഖിസ്ഥാനിലേക്ക് മാറ്റുകയായിരുന്നു. എതിര്‍പ്പുമായി നിന്ന ക്യാപ്റ്റന്‍ മഹേഷ് ഭൂപതിയെ മാറ്റി നോണ്‍പ്ലേയിംഗ് ക്യാപ്റ്റനായി ഇന്ത്യന്‍ ടെന്നീസ് അസോസിയേഷന്‍ രോഹിത് രാംപാലിനെ തീരുമാനിക്കുകയും ചെയ്തു.