CricketSports

ട്വന്റി20യില്‍ 0 റണ്‍സ് വഴങ്ങി 6 വിക്കറ്റ് നേട്ടം; അമ്പരപ്പോടെ ക്രിക്കറ്റ് ലോകം

കാഠ്മണ്ഡു: ട്വന്റി20 ക്രിക്കറ്റില്‍ ചരിത്രം കുറിച്ച് നേപ്പാള്‍ വനിതാ ക്രിക്കറ്റ് താരം അഞ്ജലി ചന്ദ്. മാലിദ്വീപിനെതിരായ മത്സരത്തിലാണ് അഞ്ജലി ചന്ദ് അവിശ്വസനീയമായ പ്രകടനം പുറത്തെടുത്തത്. ഒരു റണ്‍ പോലും വിട്ടുകൊടുക്കാതെ 6 വിക്കറ്റുകളാണ് അഞ്ജലി സ്വന്തമാക്കിയത്.

മത്സരത്തിന് ആരും അത്ര പ്രാധാന്യം നല്‍കിയിരുന്നില്ലെങ്കിലും അഞ്ജലിയുടെ പ്രകടനത്തോടെ നേപ്പാള്‍-മാലിദ്വീപ് മത്സരം വാര്‍ത്തകളില്‍ ഇടംനേടി. 2.1 ഓവറിലാണ് അഞ്ജലി 6 വിക്കറ്റുകള്‍ വീഴ്ത്തിയത്. ഇതോടെ അദ്യം ബാറ്റ് ചെയ്ത മാലിദ്വീപ് 11 ഓവര്‍ തികക്കും മുന്‍പേ വെറും 16 റണ്‍സിന് എല്ലാവരും പുറത്തായി. 17 റണ്‍സ് വിജയലക്ഷ്യവുമായി മറുപടി ബാറ്റിംഗ് ആരംഭിച്ച നേപ്പാള്‍ ആദ്യ ഓവറില്‍ തന്നെ വിജയിച്ചു.

Loading...

മത്സരത്തിന്റെ 7ാം ഓവറിലാണ് അഞ്ജലി വിക്കറ്റ് വേട്ട ആരംഭിച്ചത്. മൂന്ന് വിക്കറ്റുകളാണ് 7ാം ഓവറില്‍ അഞ്ജലി സ്വന്തമാക്കിയത്. 9ാം ഓവറില്‍ 2 പേരെ പുറത്താക്കിയ അഞ്ജലി അഞ്ച് വിക്കറ്റ് നേട്ടവും സ്വന്തമാക്കിയിരുന്നു. തുടര്‍ന്ന് 11ാം ഓവറിലും റണ്‍സ് വഴങ്ങാതെ ഒരു വിക്കറ്റ് വീഴ്ത്തിയതോടെയാണ് അഞ്ജലി വനിതാ ട്വന്റി20യിലെ റെക്കോര്‍ഡ് തിരുത്തിക്കുറിച്ചത്.

ചൈനക്കെതിരെ 3 റണ്‍സ് വഴങ്ങി 6 വിക്കറ്റ് വീഴ്ത്തിയ മാലിദ്വീപിന്റെ മാസ് എലിസയുടെ റെക്കോര്‍ഡാണ് അഞ്ജലി സ്വന്തം പേരിലാക്കിയത്. പുരുഷന്‍മാരുടെ ട്വന്റി20യില്‍ അടുത്തിടെ ഇന്ത്യയുടെ ദീപക് ചഹര്‍ ബംഗ്ലാദേശിനെതിരെ ഹാട്രിക് ഉള്‍പ്പെടെ 6 വിക്കറ്റുകള്‍ വീഴ്ത്തിയിരുന്നു. 3.2 ഓവറില്‍ 7 റണ്‍സ് വഴങ്ങിയാണ് 6 വിക്കറ്റുകള്‍ സ്വന്തമാക്കിയത്.

434 Shares

Scroll down for comments

Loading...

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close