ന്യൂഡല്ഹി : ഐസിസി ടെസ്റ്റ് റാങ്കിംഗ് പട്ടിക പുറത്തിറക്കി. ബാറ്റ്സ്മാന്മാരുടെ പട്ടികയില് ഇന്ത്യന് നായകന് വിരാട് കോഹ്ലി ഒന്നാം സ്ഥാനത്ത് തിരിച്ചെത്തി. ഓസ്ട്രേലിയന് താരം സ്റ്റീവ് സ്മിത്തിനെ പിന്തള്ളിയാണ് കോഹ്ലി ഒന്നാം സ്ഥാനം തിരിച്ചു പിടിച്ചത്.
ബംഗ്ലാദേശിനെതിരായ പിങ്ക് ബോള് ടെസ്റ്റില് നേടിയ സെഞ്ച്വറിയാണ് കോഹ്ലിയെ ഒന്നാം സ്ഥാനം തിരിച്ചുപിടിക്കാന് സഹായിച്ചത്. കൊല്ക്കത്തയില് നടന്ന ചരിത്ര ടെസ്റ്റില് 136 റണ്സാണ് കോഹ്ലി നേടിയത്.
പട്ടികയില് ഒന്നാം സ്ഥാനത്തുണ്ടായിരുന്ന സ്മിത്തിന് പാകിസ്ഥാനെതിരായ പരമ്പരയില് തിളങ്ങാനാകാതെ പോയതോടെയാണ് കോഹ്ലിയുടെ റാങ്ക് ഉയര്ന്നത്. നിലവില് ഇരുവരും തമ്മില് 5 പോയിന്റ് വ്യത്യാസമാണുള്ളത്. ഒന്നാം സ്ഥാനത്തുള്ള കോഹ്ലിക്ക് 928 പോയിന്റും സ്മിത്തിന് 923 പോയിന്റുമാണുള്ളത്.
