ലണ്ടന്: പ്രീമിയര് ലീഗിലെ വമ്പന്മാര് ഇന്ന് കളത്തിലിറങ്ങുന്നു. പുലര്ച്ചെ നടക്കുന്ന മത്സരങ്ങളില് ലീഗിലെ ഒന്നാം സ്ഥാനക്കാരനായ ലിവര്പ്പൂളും മാഞ്ചസ്റ്റര്യുണൈറ്റഡും ചെല്സിയും ടോട്ടനവും വൂള്വ്സും എല്ലാം ഇന്ന് മുന്നേറാന് ഇറങ്ങുകയാണ്. പുലര്ച്ചെ ഇന്ത്യന് സമയം 1 മണിമുതല് കളികള് ആരംഭിക്കും. ലിവര്പ്പൂളിന്റെ മത്സരം എവര്ട്ടണിനെതിരെയാണ്. 40 പോയിന്റുകളുമായി കരുത്തോടെ നില്ക്കുന്ന ലിവര്പ്പൂളിനേക്കാള് ഏറെ പിന്നിലാണ് 17-ാം സ്ഥാനത്ത് മാത്രമുള്ള എവര്ട്ടണ്. ശക്തമായിക്കയറിവരുന്ന ടോട്ടനമാണ് 10-ാം സ്ഥാനത്തേക്ക് വീണ മാഞ്ചസ്റ്റര് യുണൈറ്റഡിനെ നേരിടുന്നത്.
നിലവില് 4-ാം സ്ഥാനത്തുള്ള ചെല്സിയുടെ പോരാട്ടം 15-ാം സ്ഥാനത്തുള്ള ആസ്റ്റണ് വില്ലയോടാണ്. മൂന്നാം മത്സരം ലെസ്റ്റര്സിറ്റിയും വാട്ട്ഫോഡും തമ്മിലാണ്.മികച്ച പ്രകടനത്തിലൂടെ ചെല്സിയെ പിന്തള്ളി മാഞ്ചസ്റ്റര്സിറ്റിക്ക് തൊട്ടുതാഴെ ലീഗില് മൂന്നാം സ്ഥാനത്താണ് ലെസ്റ്ററുള്ളത്. എതിരാളിയായ വാട്ടഫോഡ് ലീഗിലെ അവസാനക്കാരായി 20-ാം സ്ഥാനത്തുമാത്രമാണുള്ളത്. അടുത്ത പോരാട്ടത്തില് 7-ാംസ്ഥാനത്തുള്ള വൂള്വ്സും 13-ാം സ്ഥാനത്തുള്ള വെസ്റ്റ്ഹാമും പോരാടുമ്പോള് സതാംപ്ടണും നോര്വിച്ച് സിറ്റിയും പുലര്ച്ചെ പോയിന്റ്നില മെച്ചപ്പെടുത്താനിറങ്ങും.
