ന്യൂഡല്‍ഹി: കായികരംഗത്തെ ഉത്തേജക മരുന്ന് ബോധവല്‍ക്കരണത്തിന് സിനിമാതാരം സുനില്‍ ഷെട്ടിയെ അംബാസിഡറായി കായിക മന്ത്രാലയം തീരുമാനിച്ചു. ഉത്തേജക മരുന്ന് പരിശോധന നടത്താന്‍ ലോകകായിക മേഖലയില്‍ നിശ്ചയിച്ച ‘വാഡാ’ (World anti- doping agency) എന്ന സംഘടനയുടെ ഇന്ത്യയിലെ വിഭാഗമാണ് ‘നാഡാ'(National Anti-Doping Agency) .
റഷ്യ അടക്കമുള്ള രാജ്യങ്ങള്‍ മൊത്തമായി അന്താരാഷ്‌ട്ര കായിക മേഖലയില്‍ ഒറ്റപ്പെട്ടതോടെ ‘നാഡാ’ ഏറെ പ്രസ്‌കതമായതായി സുനില്‍ ഷെട്ടി പറഞ്ഞു. ഇന്ത്യ നേടുന്ന ഒരോ മെഡലുകളും എനിക്ക് അഭിമാനമാണ്. അതിനാല്‍ത്തന്നെ അതിനായുള്ള പരിശ്രമം നടത്തുന്ന കായികതാരങ്ങള്‍ എല്ലാ നിയമങ്ങളും പാലിക്കുന്നവരായിമാറണം’ ഷെട്ടി വയ്ക്തമാക്കി.
നിലവില്‍ ലോകം മുഴുവന്‍ ‘നാഡാ’ കായികരംഗത്തെ മരുന്നുപയോഗം തടയാന്‍ വലിയ സംവിധാനമാണ് ഒരുക്കുന്നതെന്നും ഷെട്ടി സൂചിപ്പിച്ചു. ഞാന്‍ ഒരു കായികതാരമല്ല. പക്ഷെ ഒരു മരുന്നുകളും വ്യായാമത്തിനായി ഉപയോഗിക്കാത്തയാളാണ്. ഈ പ്രായത്തിലും നല്ല ആരോഗ്യം കാത്തുസൂക്ഷിക്കാന്‍ ശ്രമിക്കുന്നു. കഴിയുന്നത്ര എല്ലാ കായികവിനോദത്തിലും ഏര്‍പ്പെടും’ ഷെട്ടി സൂചിപ്പിച്ചു.
2020 ഒളിമ്പിക്‌സിനായി വലിയ തയ്യാറെടുപ്പാണ് നമ്മള്‍ നടത്തുന്നത്.എല്ലാ കായികതാരങ്ങളേയും വിവിധ ഘട്ടങ്ങളിലായി പരിശോധിച്ചശേഷം മാത്രമാണ് ഒളിമ്പിക്‌സിനായി വിടുകയെന്നും ഷെട്ടി പറഞ്ഞു.
