ന്യൂഡല്ഹി: പൗരത്വ നിയമ ഭേദഗതി നിയമവുമായി ബന്ധപ്പെട്ട് കോണ്ഗ്രസ് അധ്യക്ഷ സോണിയ ഗാന്ധി ആളുകളെ തെറ്റിദ്ധരിപ്പിക്കുന്നുവെന്ന് കേന്ദ്രധനമന്ത്രി നിര്മല സീതാരാമന്. കോണ്ഗ്രസ്, ആം ആദ്മി പാര്ട്ടി, ഇടതുപക്ഷം, ടിഎംസി തുടങ്ങിയ പാര്ട്ടികള് പൗരത്വ ഭേദഗതി നിയമത്തെ എന്ആര്സിയുമായി ബന്ധിപ്പിച്ച് തെറ്റായ ആശയങ്ങള് പ്രചരിപ്പിക്കുകയാണെന്നും അവര് ആരോപിച്ചു.
പൗരത്വ ഭേദഗതി നിയമം ഒരു ഇന്ത്യക്കാരനും പൗരത്വം നിഷേധിക്കുന്നില്ല. നിയമത്തിന് യഥാര്ഥത്തില് ഒരു ഇന്ത്യന് പൗരനുമായി യാതൊരു ബന്ധവുമില്ലെന്നും അവര് പറഞ്ഞു. പൗരത്വ നിയമ ഭേദഗതി ബില് ജനങ്ങളോട് വായിക്കാനും ആവശ്യമെങ്കില് വ്യക്തത തേടാനും നിര്മല അഭ്യര്ഥിച്ചു. പീഡനത്തില് നിന്ന് രക്ഷപ്പെട്ട് ഇന്ത്യയില് എത്തിയവര്ക്ക് പൗരത്വം നല്കും. 70 വര്ഷമായി അവര് കാത്തു നില്ക്കുന്ന ബില്ലാണ് പൗരത്വ ഭേദഗതി ബില്ലെന്നും നിര്മ്മല സീതാരാമന് പറഞ്ഞു.
എന്ആര്സിയും സി.എ.എയും വിവേചനമാണ്. കോണ്ഗ്രസ് വിദ്യാര്ഥികള്ക്കൊപ്പം നില്ക്കുന്നു. അവകാശങ്ങള്ക്കെതിരെ പോരാടൂ. നയങ്ങള്ക്കും തീരുമാനങ്ങള്ക്കെതിരെയും ശബ്ദമുയര്ത്തണമെന്നും സോണിയ വീഡിയോവിലൂടെ പറഞ്ഞു. ആശങ്കകള് ദുരീകരിക്കേണ്ടത് സര്ക്കാരിന്റെ കടമയാണ.് എന്നാല് പ്രതിഷേധക്കാരെ തീര്ത്തും അവഗണിക്കുകയാണെന്നും സോണിയ ആരോപിച്ചു.