ഇന്ത്യയുടെ വിക്കറ്റ് കീപ്പർ ബാറ്റ്സ്മാൻ ഋഷഭ് പന്തിനെ പ്രതീക്ഷകളുടെ ഭാരമില്ലാതെ കളിക്കാൻ വിടണമെന്ന് വിൻഡീസ് ക്രിക്കറ്റ് ഇതിഹാസം ബ്രയാൻ ലാറ. അനാവശ്യ ഭാരങ്ങളും ചുമലിലേന്തിയാണ് പന്ത് കളിക്കുന്നത്. ഇത് ഒഴിവാക്കി പന്തിനെ വെറുതെ വിടണമെന്നും ലാറ പറഞ്ഞു.
21 വയസുള്ളപ്പോൾ തനിക്ക് ഇത്രയും സമ്മർദ്ദം നേരിടേണ്ടി വന്നിട്ടില്ല. പ്ലേയിംഗ് ഇലവനിലേക്ക് പോലും എത്തിയിരുന്നില്ല. രാജ്യാന്തര ക്രിക്കറ്റ് കളിക്കാന് വേണ്ടി ഒരുങ്ങി സര് വിവ് റിച്ചാര്ഡ്സിന്റെ ബൂട്ടും തുടച്ച് ബെഞ്ചിലിരിക്കുകയായിരുന്നു. പന്തിന് മുന്പില് ജീവിതത്തിനും മരണത്തിനും ഇടയില് എന്നത് പോലെ സാഹചര്യം സൃഷ്ടിക്കരുത്. സ്വന്തം കഴിവുകൾ പ്രകടിപ്പിക്കാൻ താരത്തെ അനുവദിക്കണം.
എപ്പോൾ വിരമിക്കണമെന്ന് ധോണിക്കറിയാം. ധോനിയുടെ കാര്യത്തില് ബിസിസിഐയ്ക്കും സെലക്ടര്മാര്ക്കും വ്യക്തതയുണ്ടാവും. ഇന്ത്യൻ ടീമിന് മഹത്തായ സംഭാവനകൾ നൽകിയ താരമാണ് ധോണി. ഏത് ടീമിന് വേണ്ടി കളിച്ചാലും ധോനി ആ ടീമിന് ഒരു മുതല്ക്കൂട്ടാണെന്നും ലാറ വ്യക്തമാക്കി.
