ലണ്ടന്: ഇംഗ്ലണ്ടിന്റെ മുന്കാല ഫുട്ബോള് താരം മാര്ട്ടിന് പീറ്റേഴ്സ് അന്തരിച്ചു. അല്ഷിമേഴ്സ് രോഗബാധിതനായിരുന്നു 76കാരനായ പീറ്റേഴ്സ്. ഇംഗ്ലണ്ടിനെ 1966 ലെ ലോക ഫുട്ബോള് മല്സരത്തില് ജയിപ്പിച്ചതില് രണ്ടാം ഗോള് പീറ്റേഴ്സിന്റെതായിരുന്നു. വെസ്റ്റ് ജര്മനിക്കെതിരെയായിരുന്നു ഫൈനല്. ഇംഗ്ലീഷ് ലീഗിലെ വെസ്റ്റ്ഹാം ക്ലബ്ബിന്റെ താരവും സംഘാടകനുമൊക്കെയായി നിറഞ്ഞുനിന്ന താരമാണ് മാര്ട്ടിന് പീറ്റേഴ്സ്.
ഇംഗ്ലീഷ് ഫുട്ബോളിലെ ഇതിഹാസമെന്ന വിശേഷിപ്പിക്കുന്ന മാര്ട്ടിന് പീറ്റേഴ്സ് രാജ്യത്തിനായി 67 മത്സരങ്ങളിലായി 20 ഗോളുകളാണ് നേടിയിട്ടുള്ളത്. ഇംഗ്ലീഷ് ഫുട്ബോള് പ്രതിഭകളായിരുന്ന അലന് ബാള്, റെയ് വില്സണ്, ഗോര്ഡണ് ബാങ്സ്, ബോബി മൂറി എന്നിവര്ക്കൊപ്പമാണ് പീറ്റേഴ്സ് കളിക്കളത്തില് നിറഞ്ഞത്.
