മാഡ്രിഡ് : സ്പാനിഷ് ലീഗിലെ 18-ാം മത്സരദിവസത്തില്‍ റയല്‍ മാഡ്രിഡിനെ അത്‌ലറ്റിക്കോ ബില്ബാവോ സമനിലയില്‍ തളച്ചു. കളിയുടെ എല്ലാ മേഖലയിലും അധിപത്യം പുലര്‍ത്തിയിട്ടും റയലിനെക്കൊണ്ട് ഗോളടിപ്പിക്കാന്‍ ബില്ബാവോ സമ്മതിച്ചില്ല.
കളിയില്‍ 70 ശതമാനം സമയവും പന്ത് കയ്യടക്കിയ റയല്‍ നടത്തിയ മുന്നേറ്റങ്ങളിലായി 20 തവണ ഷോട്ടുതിര്‍ത്തു. ഇതില്‍ 8 എണ്ണവും ഗോള്‍വല ല്കഷ്യമാക്കിയിട്ടായിരുന്നു. എന്നാല്‍ ബില്ബാവോ ഗോളിയും പ്രതിരോധനിരയും ശക്തമായ ചെറുത്തുനില്‍പ്പാണ് നടത്തിയത്. 14 തവണയാണ് ബില്ബാവോ എതിരാളികളെ ഫൗള്‍ ചെയ്തത്.
പോയിന്റ് നിലയില്‍ 18 കളികളിലായി റയല്‍ 37 പോയിന്റുകളുമായി രണ്ടാം സ്ഥാനത്താണ്. ബില്ബാവോ 28 പോയിന്റകളുമായി 7-ാം സ്ഥാനത്താണുള്ളത്. 39 പോയിന്റുകളുള്ള ബാഴ്‌സലോണയാണ് ലീഗില്‍ ഒന്നാമത്.
