കത്തി ജ്വലിച്ച് നിൽക്കുന്ന സൂര്യനെ വലയം ചെയ്യുന്ന ഇരുട്ടിന്റെ മഹാഗർത്തം . മങ്ങിയ വെളിച്ചവും , നിഴലും ഇഴ ചേർന്ന് നിൽക്കുന്ന അന്തരീക്ഷം . കാലമെത്ര കഴിഞ്ഞാലും മനുഷ്യനെ കൗതുകം കൊള്ളിക്കുന്ന സൂര്യഗ്രഹണം .
2019 ലെ അവസാന സൂര്യഗ്രഹണത്തിനാണ് ഡിസംബർ 26 സാക്ഷ്യം വഹിക്കുന്നത് . ആകാശത്ത് അഗ്നിവലയമായി സൂര്യഗ്രഹണം ദൃശ്യമാകും എന്നതാണ് ഈ സൂര്യഗ്രഹണത്തിന്റെ പ്രത്യേകത . സൂര്യനും ഭൂമിക്കും ഇടയില് ചന്ദ്രന് വരുമ്പോള് സൂര്യന് ഭാഗികമായോ, പൂര്ണ്ണമായോ മറയപ്പെടുന്ന പ്രതിഭാസമാണ് സൂര്യഗ്രഹണം.ഭൂമിയില് നിന്ന് നോക്കുമ്പോള് സൂര്യനും ചന്ദ്രനും ഒരു സ്ഥാനത്ത് ഒത്തു ചേരുന്ന കറുത്ത വാവ് ദിവസമാണ് സൂര്യഗ്രഹണം നടക്കുക.
വലയ സൂര്യഗ്രഹണം പൂർണ സൂര്യഗ്രഹണത്തിന്റെയത്ര വർണ ശബളമാകാറില്ല എങ്കിലും ഏറെക്കുറെ ഇരുണ്ട മാനത്ത് ഏറെ ഇരുണ്ട ചന്ദ്രബിംബത്തിനു ചുറ്റും തിളങ്ങുന്ന ഒരു സ്വർണ വളയം പോലെ സൂര്യന്റെ അരികുകൾ കാണപ്പെടും.
2010 ജനുവരി 15 നും വലയ ഗ്രഹണം ദക്ഷിണ കേരളത്തിൽ ദൃശ്യമായിരുന്നു . രണ്ടാമത്തേതാണ് നാളെ രാവിലെ ഉത്തര കേരളത്തിൽ നന്നായി കാണപ്പെടുക.
ഈ വലയ ഗ്രഹണത്തിന്റെ പൂർണതയുടെ സമയം 3 മിനിറ്റ് 40 സെക്കൻഡോളം വരുമെങ്കിലും കേരളത്തിൽ ഇത് 3 മിനിറ്റ് 13 സെക്കൻഡോളം മാത്രമായിരിക്കും. കോഴിക്കോടിനു വടക്കു കിഴക്ക് ഭാഗങ്ങളിലേക്ക് ഇത് ഒരു മിനിറ്റിൽ കൂടുതൽ സമയമുണ്ടാകും. കൽപ്പറ്റ, ഇരിട്ടി മുതലായ സ്ഥലങ്ങളിൽ 3 മിനിറ്റ് 7 സെക്കന്റ് സമയം കാണാം. കുറ്റ്യാടി , നാദാപുരം ഭാഗങ്ങളിലാകെ 3 മിനിറ്റോളം ഗ്രഹണപൂർണത കാണാം.
സൂര്യന് പിന്നിലുള്ള നക്ഷത്രങ്ങളെ സംബന്ധിച്ചുള്ള പഠനങ്ങള് നടത്താന് ഏറെ അനുയോജ്യമായ അവസരമാണ് ഗ്രഹണ സമയം.നാളെ രാവിലെ 8.05 മുതല് 11.11 വരെയാണ് കേരളത്തില് സൂര്യഗ്രഹണം ദൃശ്യമാവുക. 9.25 ആവുമ്പോഴേക്കും ഗ്രഹണം അതിന്റെ പാരമ്യത്തിലെത്തും.