ഗുവാഹട്ടി: ഇന്ത്യയിലെ യുവത്വം മാറ്റുരക്കുന്ന ഖേലോ ഇന്ത്യക്കായി അസം ഒരുങ്ങി. 2020 ജനുവരി 10 നാണ് മത്സരങ്ങള്‍ ആരംഭിക്കുക. 22 വരെ ഗെയിംസ് തുടരും. രാജ്യം മുഴുവനായി തിരഞ്ഞെടുക്കപ്പെട്ട 10,000 കായികതാരങ്ങള്‍ 451 ഇനങ്ങളില്‍ മത്സരിക്കുമെന്ന് കേന്ദ്ര കായിക മന്ത്രാലയം അറിയിച്ചു. ഗുവാഹട്ടിയിലെ ഇന്ദിരാ ഗാന്ധി അത്‌ലറ്റിക് സറ്റേഡിയത്തിലാണ് ഗെയിംസ് നടക്കുക.
അസമിന്റെ കായിക ചരിത്രത്തില്‍ ഇത്തരം ഒരു ദേശീയ ഗെയിംസിന് അസം ആതിഥ്യമരുളുന്നത് സംസ്ഥാനത്തിന് വലിയ നേട്ടമാണെന്ന് ലോക കായിക താരമായ ഹിമാ ദാസ് പറഞ്ഞു.
അസം കായികതാരങ്ങള്‍ വലിയ തയ്യാറെടുപ്പിലാണ്. 20 ഇനങ്ങളില്‍ ആതിഥേയ സംസ്ഥാനം മാറ്റുരക്കുന്നുണ്ടെന്നും ദാസ് പറഞ്ഞു. ഇത്തരം ഒരു വലിയ പരിപാടി തങ്ങളുടെ സംസ്ഥാനത്തിന് നല്‍കിയതില്‍ കേന്ദ്രസര്‍ക്കാറിന് അസം നന്ദി പറഞ്ഞു.സംസ്ഥാനത്തെ താരങ്ങള്‍ക്ക് ദേശീയ തലത്തിലെ ഏറ്റവും മികച്ച താരങ്ങളെ കാണാനും മനസ്സിലാക്കാനും പറ്റിയ അവസരമാണെന്നും ദാസ് പറഞ്ഞു.
