ലണ്ടന്: ഇംഗ്ലീഷ് ലീഗ് കപ്പിന്റെ സെമിഫൈനല് പോരാട്ടത്തിലെ രണ്ടാം മത്സരം സമനിലയില് പിരിഞ്ഞു. ലെസ്റ്റര് സിറ്റിയും ആസ്റ്റണ് വില്ലയും തമ്മിലുള്ള ആദ്യപാദ സെമിയാണ് ഒരോ ഗോളുകളടിച്ച് സമനിലയില് കലാശിച്ചത്.
ആസ്റ്റണ് വില്ലക്ക് വേണ്ടി ഫ്രെഡറിക് ഗില്ബര്ട്ട് 28-ാം മിനിറ്റില് ലീഡ് നല്കി. ആദ്യ പകുതിയില് സമനില പിടിക്കാന് നടത്തിയ ലെസ്റ്ററിന്റെ ശ്രമങ്ങള് ആസ്റ്റണ് പ്രതിരോധ നിര തകര്ത്തു. എന്നാല് രണ്ടാം പകുതിയില് ആക്രമിച്ച് കളിച്ച ലെസ്റ്റര് 74-ാം മിനിറ്റില് ഗോള് മടക്കി. രണ്ടാം പാദ സെമി 29നാണ് നടക്കുക.
ക്വാര്ട്ടര് ഫൈനലില് ഇംഗ്ലീഷ് പ്രീമിയര് ലീഗിലെ തോല്വി അറിയാതെ മുന്നേറുന്ന ലിവര്പൂളിനെ 5-0ന് ഞെട്ടിച്ചാണ് ആസ്റ്റണ് വില്ല സെമിയിലെത്തിയത്. എന്നാല് ആ കരുത്തിന്റെ നിഴല്മാത്രമായി ഒതുങ്ങിപ്പോയ കാഴ്ചയാണ് മത്സരത്തിലുടനീളം കണ്ടത്.
ഇന്നലെ നടന്ന ആദ്യ സെമിയുടെ ആദ്യ പാദമത്സരത്തില് മാഞ്ചസ്റ്റര് സിറ്റി മാഞ്ചസ്റ്റര് യുണൈറ്റഡിനെ 3-1ന് തകര്ത്ത് ഗംഭീരജയമാണ് നേടിയത്. ഇരുടീമുകളുടേയും രണ്ടാംപാദ സെമി 29-ാം തീയതിയിലാണ് നടക്കുക.
