ന്യൂഡല്ഹി: കലാപകാരികളായ ജെഎന്യു വിദ്യാര്ത്ഥികളെ പിന്തുണച്ച ദീപിക പദുകോണിന്റെ രാഷ്ട്രീയ ചായ്വ് എന്താണെന്ന് വ്യക്തമാക്കണമെന്ന് കേന്ദ്രമന്ത്രി സ്തി ഇറാനി. പ്രതിഷേധിക്കുന്ന വിദ്യാര്ത്ഥികള്ക്കൊപ്പം അവര് എന്തുകൊണ്ടു നില്ക്കുന്നുവെന്ന് വാര്ത്ത വായിക്കുന്ന എല്ലാവര്ക്കും മനസിലാകും. എന്നാല് ഇന്ത്യയെ നശിപ്പിക്കാന് ആഗ്രഹിക്കുന്നവരുടെ കൂടെയാണ് ദീപിക നില്ക്കുന്നത്. അത് തങ്ങളെ സംബന്ധിച്ചിടത്തോളം അപ്രതീക്ഷിതമായ കാര്യമല്ലെന്നും സ്മൃതി ഇറാനി പറഞ്ഞു.
2011-ല് കോണ്ഗ്രസിനെ പിന്തുണച്ച് വന്നതോടെ ദീപികയുടെ രാഷ്ട്രീയ ചായ്വ് വ്യക്തമായതാണ്. ദീപികയുടെ ആരാധകര് അവരുടെ നിലപാട് ഇപ്പോള് തിരിച്ചറിഞ്ഞിട്ടുണ്ട്. ഇന്ത്യയെ നശിപ്പിക്കുന്നവര്ക്കൊപ്പമാണ് താന് നില്ക്കുന്നതെന്നും ദീപികയ്ക്ക് അറിയാമെന്നും ഇറാനി കുറ്റപ്പെടുത്തി.
ജെഎന്യു സമരത്തിനിടെ വിദ്യാര്ത്ഥികളില് ചിലര് ദേശവിരുദ്ധ മുദ്രാവാക്യങ്ങള് ഉയര്ത്തിയത് കേന്ദ്ര എജന്സികള് ഗൗരവമായാണ് കാണുന്നത്. ഈ സാഹചര്യത്തിലാണ് ദീപികയുടെ സന്ദര്ശനവും വിവാദമായത്. സമരക്കാര്ക്ക് പിന്തുണ പ്രഖ്യാപിച്ചാണ് ദീപിക ജെഎന്യു ക്യാംപസില് എത്തിയത്. സംഭവത്തില് ദീപികയെ വിമര്ശിച്ച് വിവിധ രാഷ്ട്രീയ പാര്ട്ടികളും ബോളിവുഡ് താരങ്ങളും രംഗത്തെത്തിയിരുന്നു.