ലണ്ടന്: എഫ് എ കപ്പ് മൂന്നാം റൗണ്ടില് ടോട്ടനത്തിന് ജയം. മിഡില്ബറോയെ 2-1നാണ് ടോട്ടനം പരാജയപ്പെടുത്തിയത്. കളിയുടെ 2-ാം മിനിറ്റില്ത്തന്നെ ലോ സെല്സോയിലൂടെ ടോട്ടനം ഹോസ്പെര് മുന്നിലെത്തി. 15-ാം മിനിറ്റില് ലമേലയിലൂടെ ടോട്ടനം ലീഡ് 2-0ന്റെ ലീഡ് നേടി. കളിയുടെ അവസാന നിമിഷത്തോടടുത്തപ്പോള് 83-ാം മിനിറ്റില് സെവിയ മിഡ്ഡില്സ്ബറോക്ക് ആശ്വാസ ഗോള് നേടിക്കൊടുത്തു.
നിലവില് എഫ് എ കപ്പ് നേടാന് സാധ്യതയുള്ള ടീമായിട്ടാണ് ടോട്ടനത്തെ വിലയിരുത്തുന്നത്. നിലവില് പ്രീമിയര് ലീഗില് 8-ാം സ്ഥാനത്തേക്ക് കയറിയ ടോട്ടനം ഇഎഫ്എല് കപ്പില് മൂന്നാം റൗണ്ടില് പുറത്തായി ഞെട്ടിച്ചു. ഇതിനിടെ ചാമ്പ്യന്സ് ലീഗില് 16-ാം സ്ഥാനത്ത് നിലയുറപ്പിച്ചിട്ടുണ്ട്.
മറ്റ് മത്സരങ്ങളില് ന്യൂകാസില് ഒന്നിനെതിരെ നാലു ഗോളുകള്ക്ക് റോച്ച്ഡെയിലിനെ തകര്ത്തപ്പോള് കവെന്ട്രി എതിരില്ലാത്ത മൂന്ന് ഗോളുകള്ക്ക് ബ്രിസ്റ്റോള് റോവേഴ്സിനെ തറപറ്റിച്ചു.