ലണ്ടന്: ജനുവരി കൈമാറ്റ സീസണില് ക്ലബ്ബുമാറുന്നവരില് പ്രമുഖനായി ആഷ്ലി യങ്. നിലവില് മാഞ്ചസ്റ്റര് യുണൈറ്റഡിനായി ബൂട്ടണിയുന്ന സീനിയര്താരത്തെ കൂടെക്കൂട്ടാന് ഇന്റര്മിലാന് തയ്യാറായിരിക്കുന്നത്.12 കോടി രൂപയാണ് കൈമാറ്റതുകയായി യുണൈറ്റഡ് നിശ്ചയിച്ചിരിക്കുന്നത്. ഈ ആഴ്ചയില്ത്തന്നെ യങ് ശാരീരിക ക്ഷമതാ പരിശോധനക്കായി മിലാനിലെത്തുമെന്നാണറിവ്. അന്റോണിയോ കോണ്ടേയാണ് മിലാന്റെ പരിശീലകന്.
ഇതിനിടെ മിലാന്,റോമയുമായി ലെഫ്റ്റ്ബാക്ക് ലിയാനാര്ഡോ സ്പിനാസോളയെ നല്കി മാറ്റിയോ പോളീറ്റാനോയെ എടുക്കാനാണ് തീരുമാനിച്ചിരിക്കുന്നത്. എന്നാല് ഈ മാറ്റം ആഷ്ലീ യങ്ങിന്റെ കാര്യത്തില് ബാധിക്കില്ലെന്നും ക്ലബ്ബ് അധികൃതര് പറഞ്ഞു. 34കാരനായ ആഷ്ലീ യങ് ഏതുപൊസിഷനിലും കളിക്കുന്ന മികച്ചതാരമാണ്. ഈ വര്ഷം കരാര് പുതുക്കാന് യുണൈറ്റഡ് ശ്രമിച്ചെങ്കിലും യങ്ങിന് സമ്മതമായിരുന്നില്ല. 2011 ലാണ് ആസ്റ്റണ് വില്ല വിട്ട് യങ് യുണൈറ്റഡിലെത്തിയത്.ക്ലബ്ബിനായി 261 കളികളിലായി19 ഗോളുകളാണ് നേടിയിട്ടുണ്ട്.
