ഇന്ത്യന് പൊതുഗതാഗത സംവിധാനം ആധുനികവത്ക്കരിക്കുന്നതില് പ്രധാന പങ്കു വഹിച്ച വ്യക്തിയാണ് ഇ ശ്രീധരന്. മെട്രോ മാന് എന്നറിയപ്പെടുന്ന അദ്ദേഹം ഡല്ഹി മെട്രോ, കൊല്ക്കത്ത മെട്രോ, കൊങ്കണ് തീവണ്ടിപാത, കൊച്ചി മെട്രോ എന്നിവയിലൂടെ ലോകത്തെ വിസ്മയിപ്പിക്കുകയായിരുന്നു. യുവ എഞ്ചിനീയര്മാര്ക്ക് വേണ്ട ഗുണങ്ങള് എന്തൊക്കെയാണെന്ന് പാലക്കാട് ഐഐടിയിലെ ഒരു ചടങ്ങില് അദ്ദേഹം സംസാരിച്ചിരുന്നു. ഏതൊരാള്ക്കും മാതൃകയാക്കുന്ന അദ്ദേഹത്തിന്റെ നിര്ദ്ദേശങ്ങള് എന്തൊക്കെയാണെന്ന് നോക്കാം.
സത്യസന്ധതയും ആത്മാര്ത്ഥയും ഇല്ലാതെ ഒരു ജോലിയിലും വിജയിക്കാന് കഴിയില്ല. തന്റെ ജീവിത വിജയത്തില് ഏറെ സഹായിച്ച ഘടകമാണിതെന്നും അദ്ദേഹം പറഞ്ഞു. മേലുദ്യോഗസ്ഥന് ഏല്പ്പിക്കുന്ന ജോലികള് കൃത്യസമയത്ത് തീര്ക്കുക മാത്രമല്ല കൃത്യസമയത്ത് തുടങ്ങുന്നതും പ്രധാനമാണ്. ഒരു മിനിട്ട് നേരത്തെയാകാനോ വൈകാനോ പാടില്ലെന്നും അദ്ദേഹം പറയുന്നു. അര്പ്പണബോധത്തോടെയാണ് തൊഴില് ചെയ്യേണ്ടത്. സ്വന്തം നാടിനോടും പഠിച്ച വിദ്യാലയത്തോടും ഗുരുക്കന്മാരോടും അര്പ്പണബോധം വേണം. അയാള് ജീവിതത്തില് ഉയര്ത്തിപ്പിടിക്കുന്ന മൂല്യങ്ങളെ അടിസ്ഥാനമാക്കിയാണ് ഓരോ വ്യക്തിയുടേയും വിജയം. സ്വഭാവം, ചിന്തകള്, മറ്റുള്ളവരോടുള്ള ഇടപെടല് എന്നിവ മനോഹരമാക്കണം. തെളിഞ്ഞ ബുദ്ധിയും വിവേകവും ഉണ്ടാകണമെന്നും അദ്ദേഹം പറഞ്ഞു.
ലോകത്തെ എല്ലാ കാര്യങ്ങളെയും നിയന്ത്രിക്കുന്ന ഒരു ശക്തിയുണ്ട്. ആ ശക്തിയുടെ കൃപ എല്ലാവര്ക്കും ലഭിക്കണം. നമ്മുടെ ആഗ്രഹ പ്രകാരമല്ല നാം ഈ ലോകത്ത് ജനിച്ചത്. നമുക്ക് ചില കാര്യങ്ങള് തെരഞ്ഞെടുക്കാന് കഴിയും. എന്നാല് നമ്മുടെ നിയന്ത്രണങ്ങള്ക്ക് അപ്പുറമുള്ള ഒരുപാട് കാര്യങ്ങള് ഈ ലോകത്തുണ്ടെന്നും അദ്ദേഹം കൂട്ടിച്ചേര്ത്തു. ജോലിയിലെ മികവ് സ്വയം ആര്ജിച്ചെടുക്കേണ്ടതാണെന്നും പരിശീലനത്തിലൂടെ ഈ മികവ് നേടാമെന്നും ഒപ്പം മികച്ച മാതൃകകള് കണ്ടു പഠിക്കണമെന്നും അദ്ദേഹം വ്യക്തമാക്കി.