ന്യൂയോര്ക്ക്: മനുഷ്യവാസം ബഹിരാകാശത്ത് സാധ്യമാക്കാനുള്ള പരീക്ഷണത്തിലെ പ്രധാന കടമ്പകടന്ന് ബഹിരാകാശ ശാസ്ത്രജ്ഞരും. ബഹിരാകാശത്തെ ആദ്യത്തെ ചോക്ലേറ്റ് കുക്കീസ് ബേക്ക് ചെയ്യുന്ന പരീക്ഷണമാണ് വിജയിച്ചത്. രണ്ടു മണിക്കൂറെടുത്താലും ബഹിരാകാശത്ത് ഭക്ഷണം പാകം ചെയ്യാമെന്ന് തെളിഞ്ഞതാണ് വന് നേട്ടമായി കണക്കാക്കുന്നത്. ഭൂമിയിലാണെങ്കില് 20 മിനിറ്റ് മാത്രം എടുക്കുന്ന പ്രക്രീയയാണ് ബഹിരാകാശത്ത് രണ്ടു മണിക്കുര് സമയമെടുത്തത്. ഏതായാലും പുതിയ പരീക്ഷണത്തിലെ വിഭവത്തിന്റെ സ്വാദ് ഉണ്ടാക്കിയവര് രുചിച്ചു നോക്കിപറഞ്ഞിട്ടില്ല.
ബഹിരാകാശത്തെ് ഓവന്റെ പ്രവര്ത്തനം ഏങ്ങനെയായിരിക്കും എന്നതായിരുന്നു പ്രധാന പരീക്ഷം. ചൂട് ബഹിരാകാശത്ത് ഏങ്ങനെ ബാധിക്കും എന്നതാണ് ഓവന് കമ്പനികള് ചിന്തിച്ചത്. ബഹിരാകാശത്ത് പാചകം വൈകുമെന്ന് ഊഹിച്ചിരുന്നെങ്കിലും ഇത്രക്ക് താമസിക്കുമെന്ന് പ്രതീക്ഷിച്ചില്ലെന്നാണ് നിലവിലെ വിലയിരുത്തല്. ഉണ്ടാക്കിയ കുക്കീസ് നന്നായി വായുകടക്കാത്ത പാക്കറ്റുകളിലാക്കി ശീതീകരിച്ചിരിക്കുകയാണ്.
നാസയുടെ ജോണ്സന് സ്പേസ് സ്റ്റേഷനിലാണ് നാനോറോക്സ് എന്ന കമ്പനി രൂപകല്പ്പന നിര്വ്വഹിച്ച ഇലട്രിക് ഓവന് സ്ഥാപിച്ച് പരീക്ഷണം നടത്തിയത്. ഇറ്റലിക്കാരിയായ ലൂക്കാ പാര്മിറ്റാനോയാണ് ബേക്കിംഗ് നടത്തിയത്. അഞ്ചു കുക്കീസ് വിജയകരമായി ഉണ്ടാക്കിയെന്നാണ് പുഞ്ചിരിയോടെ ബഹിരാകാശത്തുനിന്നുള്ള വീഡിയോയില് സഞ്ചാരികള് പറയുന്നത്.
