സിഡ്‌നി: കളിക്കളത്തിലെ പഴയകാല ചീത്തവിളികളോര്‍ത്ത് താരങ്ങള്‍ക്ക് വിഷമം. മറ്റാര്‍ക്കുമല്ല ലോകോത്തര ബാറ്റിംഗ് ഇതിഹാസം സച്ചിനുമായി വഴക്കുകൂടിയ വിഷമം ഇപ്പോഴും ഉള്ളിലുള്ള ഓസ്‌ട്രേലിയന്‍ ബൗളിംഗ് ഇതിഹാസം ഗ്ലെന്‍ മഗ്രാത്താണ് തുറന്നുപറഞ്ഞത്.
രണ്ടുപേരും നല്ല ദേഷ്യത്തിലായിരുന്നു. സച്ചിന്റെ തോളില്‍ തട്ടിപോയ പന്തില്‍ അംമ്പയര്‍ ഔട്ട് വിളിക്കുകയായിരുന്നു. അത് ഏതായാലും എല്‍ ബി ഡബ്ലു അല്ല പക്്‌ഷെ എസ് ബി ഡബ്ലു ആയിരുന്നു.’ 1999 ലെ അഡ്‌ലെയ്ഡ് ഓവലില്‍ തീരുമാനം തെറ്റാണെന്നറിഞ്ഞിട്ടു ചേദ്യം ചെയ്യാതെ സച്ചിന്‍ കളംവിട്ടു. ആ മത്സരം നിയന്ത്രിച്ച അമ്പയര്‍മാരില്‍ ഒരാള്‍ ഡാറല്‍ ഹാര്‍പ്പറായിരുന്നു.
ലോക സാമ്പത്തിക ഉച്ചകോടിയുമായി ബന്ധപ്പെട്ട ചടങ്ങില്‍ ജീവിതാനുഭവങ്ങള്‍ പങ്കുവക്കുകയായിരുന്നു മഗ്രാത്ത്.
2003ലെ ലോകകപ്പ് ഫൈനല്‍ മത്സരത്തിനിടെ സച്ചിന്‍ തന്റെ പന്ത് സിക്‌സറടിച്ചതോടെ നിയന്ത്രണം വിട്ട് ചീത്തവിളിച്ചെന്നും മഗ്രാത്ത് പറഞ്ഞു. ആ മത്സരത്തില്‍ സച്ചിനെ താന്‍ പുറത്താക്കിയ രീതിയെ ഇന്നും പൊറുക്കാത്ത നിരവധി പേരുണ്ടെന്നും മഗ്രാത്ത് പറഞ്ഞു.
കളത്തിന് പുറത്ത് എപ്പോള്‍ മുംബൈയിലെത്തിയാലും സച്ചിനുമായി കുറച്ചുനേരമെങ്കിലും ചിലവഴിക്കാന്‍ മറക്കാറില്ലെന്നും മഗ്രാത്ത് സൂചിപ്പിച്ചു.
