മെല്ബണ്: ടോപ് സീഡ് താരങ്ങളെ അട്ടിമറിച്ച് മുഗുരുസയും സോഫിയാ കെനിനും കലാശപോരാട്ടത്തില് നാളെ ഏറ്റുമുട്ടും. ലോക ഒന്നാം നമ്പറും കീരീട സാധ്യത ഏറ്റവും കൂടുതല് കല്പ്പിക്കപ്പെട്ട ആഷ്ലി ബാര്ട്ടിയെ 7-6,7-5ന് അപ്രതീക്ഷിതമായി അട്ടിമറിച്ചാണ് സോഫിയ കെനിന് ഫൈനലില് ഇടംനേടിയത്. അതേ സമയം രണ്ടാം സെമിയില് നാലാം സീഡ് സിമോണ ഹാലെപ്പിനെ 7-6,7-5 ന് തകര്ത്താണ് മുഗുരുസ കലാശപോരാട്ടത്തിനിറങ്ങുന്നത്.
മികച്ച സെര്വ്വുകളിലൂടെയാണ് കെനിന്, ബാര്ട്ടിക്കെതിരെ മേല്ക്കൈ നേടിയത്. രണ്ടു തവണ സര്വ്വ് ബ്രേക്ക് ചെയ്യുന്നതിലും കെനിന് വിജയിച്ചു. കഴിഞ്ഞ സീസണിലെ ഫ്രഞ്ച് ഓപ്പണ് ചാമ്പ്യനാണ് ബാര്ട്ടി. വേള്ഡ് ടൂര് ടെന്നീസ് കിരീടം കഴിഞ്ഞ തവണ നേടിയ ബാര്ട്ടി 8 തവണ ഡബ്ലൂയു ടി എ കിരീടങ്ങളും ചൂടിയിട്ടുണ്ട്. ഫൈനലിലെത്തിയ കെനിനാകട്ടെ ആദ്യമായാണ് ഒരു ഗ്രാന്ഡ്സ്ലാം ടൂര്ണ്ണമെന്റിന്റെ ക്വാര്ട്ടര് പോലും കാണുന്നത്.
ഹാലെപ്പ് – മുഗുരുസ പോരാട്ടത്തില് കനത്ത എയ്സുകള് പായിച്ചാണ് മുഗുരുസ എതിരാളിയെ കീഴടക്കിയത്.നാലു തവണ സര്വ്വ് ബ്രേക്ക് ചെയ്യുകയും ചെയ്തു.2018ല് ഫ്രഞ്ച് ഓപ്പണും നിലവിലെ വിംബിള്ഡണ് ചാമ്പ്യനുമാണ് സിമോണാ ഹാലെപ്പെന്ന റൊമാനിയന് താരം.2018ല് ഓസ്ട്രേലിയയന് ഓപ്പണ് റണ്ണറപ്പുമാണ്.സ്പെയിനിന്റെ ഗാബ്രയിന് മുഗുരിസ 2016,17 സീസണുകളിലെ ഫോമിലേക്ക് തിരിച്ചുവന്നിരിക്കുകയാണ് .2016ലെ ഫ്രഞ്ച് ഓപ്പണ് ചാമ്പ്യനും 2017ലെ വിംബിള്ഡണ് ജേതാവുമാണ് കാളപ്പോരിന്റെ നാട്ടിലെ ഈ താരം.
