‘റോസ് ഹേ ബോസ്സ്’ : ടെയ്‌ലറെ പ്രശംസിച്ച് സെവാഗ് രംഗത്ത്

ന്യൂഡല്‍ഹി: ആദ്യ ഏകദിനത്തില്‍ ഇന്ത്യടെ നോക്കുകുത്തിയാക്കി ഒറ്റക്ക് കളിജയിപ്പിച്ച ന്യൂസിലാന്റ് താരം റോസ് ടെയ്‌ലറെ ആവോളം പുകഴ്‌ത്തി വീരേന്ദ്ര സെവാഗ്. റോസ് ഹേ ബോസ്സ് എന്ന വിശേഷണം കൊടുത്താണ് വീരു ടെയ്‌ലറെ ഇന്ത്യ ശ്രദ്ധിച്ചില്ലെന്നത് ചൂണ്ടിക്കാട്ടിയത്.

ടി20 യില്‍ സമ്പൂര്‍ണ്ണ വിജയം നേടിയ ടീംഇന്ത്യ ന്യൂസിലാന്റിനെ എഴുതി തള്ളിയെങ്കില്‍ അതിനുള്ള മറുപടിയാണ് റോസ് ടെയ്‌ലറെന്ന ലോകോത്തര ബാറ്റ്‌സ്മാന്‍ തന്നതെന്നും സെവാഗ് ട്വിറ്ററിലൂടെ തുറന്നടിച്ചു. റോസ് ആരെന്ന് ഇപ്പോള്‍ മനസ്സിലായില്ലേ ? എന്ന ചോദ്യത്തോടെയാണ് സെവാഗ് ടെയ്‌ലറെ അഭിന്ദിച്ചത്.

Ross kaun hai maaloom hai Kya ?
Ross is the boss.
Ross is the one, who in a few weeks will become the first ever player to play 100 Tests, 100 ODI's, 100 T20's
What an Incredible innings from such a wonderful player .Congrats @BLACKCAPS on chasing down 348 with ease #NZvIND pic.twitter.com/AqkyiysxkL

— Virrender Sehwag (@virendersehwag) February 5, 2020

പേസിനേയും സ്പിന്നിനേയും ഒരു പോലെ കളിക്കുന്ന ടെയ്‌ലര്‍ മധ്യനിരയില്‍ ഇന്നുള്ള ഏറ്റവും മികച്ച ബാറ്റ്‌സ്മാനാണെന്ന കാര്യം ഇന്ത്യ മറന്നെന്നും സെവാഗ് ചൂണ്ടിക്കാട്ടി. ഏതാനും ആഴ്ചക്കുള്ളില്‍ 100 ടെസ്റ്റും 100 ഏകദിനങ്ങളും 100 ടി20യും കലിക്കേുന്ന ആദ്യ താരമെന്ന നേട്ടവും ടെയ്‌ലര്‍ സ്വന്തമാക്കുമെന്ന പ്രത്യേകതയും സെവാഗ് ചൂണ്ടിക്കാട്ടി.