ലണ്ടന്: ഫുട്ബോള് ലോകത്തെ ഞെട്ടിച്ച ആ ദുരന്തത്തിന് ഇന്ന് 62 വയസ്സ്. 1958 ഫെബ്രുവരി 6നായിരുന്നു മാഞ്ചസ്റ്റര് യൂണൈറ്റഡിന്റെ താരങ്ങള് സഞ്ചരിച്ച വിമാനം ജര്മനിയിലെ മ്യൂണിച്ച് വിമാനത്താവളത്തില് നിന്ന് പറന്നുയരവേ തീപിടിച്ച് നിലത്തുവീണത്. 23പേരുടെ മരണത്തിന് സാക്ഷിയായ അപകട ത്തില് 21 പേര് രക്ഷപെട്ടു. യുണൈറ്റഡിന്റെ 8 വിലപ്പെട്ട യുവതാരങ്ങളാണ് ആ അപകടത്തില് കൊല്ലപ്പെട്ടത്.
യൂറോപ്യന് കപ്പില് നിന്ന് കരുത്തരായ റെഡ് സ്റ്റാര് ബെല്ഗ്രേഡിനെ തകര്ത്ത് സെമിഫൈനലിലേക്ക് മുന്നേറിയ ടീമംഗങ്ങളാണ് അപകടത്തില്പെട്ടത്. യുണൈറ്റഡിന്റെ പരിശീലകന് മാരകമായി പൊള്ളലേറ്റ ശേഷം ഏറെ നാളത്തെ ചികിത്സയിലൂടെയാണ് സാധാരണ ജീവിതത്തിലേക്ക് മടങ്ങിവന്നത്.
ഡണ്കന് എഡ്വാര്ഡ്, ടോമീ ടെയ്ലര്, റോജര് ബയേണ്, ബില്ലി വീലന്, എഡ്ഡീ കോള്മാന്, മാര്ക്ക് ജോണ്സ്, ഡേവിഡ് പെഗ്ഗ്, ജെഫ് ബെന്റ് എന്നീ മാഞ്ചസ്റ്റര് യൂണൈറ്റഡിന്റെ 8 മികച്ച താരങ്ങളാണ് അപകടത്തില് കൊല്ലപ്പെട്ടത്.
