ഓക്ക് ലൻഡ്: ന്യൂസിലൻഡിനെതിരായ ഏകദിന പരമ്പരയിലെ രണ്ടാം മത്സരത്തിൽ ടോസ് നേടിയ ഇന്ത്യ ഫീൽഡിംഗ് തെരഞ്ഞെടുത്തു. ആദ്യ മല്സരത്തില് നാലു വിക്കറ്റിന്റെ ഞെട്ടിക്കുന്ന തോല്വി ഏറ്റുവാങ്ങിയ ഇന്ത്യയ്ക്ക് മൂന്നു മല്സരങ്ങളുടെ പരമ്പര നഷ്ടമാവാതിരിക്കാന് ഇന്ന് ജയിച്ചേ തീരൂ.
ജയിക്കാനുറച്ചിറങ്ങിയ ഇന്ത്യ രണ്ട് മാറ്റങ്ങളുമായി ഇന്നിറങ്ങിയിരിക്കുന്നത്. കുൽദീപ് യാദവിന് പകരം യൂസ് വേന്ദ്ര ചഹലും മുഹമ്മദ് ഷമിയ്ക്ക് പകരം നവ്ദീപ് സെയ്നിയും ടീമിൽ ഇടംപിടിച്ചു. ന്യൂസിലാന്ഡ് ടീമിലും രണ്ടു മാറ്റങ്ങളുണ്ട്. മിച്ചെല് സാന്റ്നര്, ഇഷ് സോദി എന്നിവര്ക്ക് പകരം മാര്ക്ക് ചാപ്പ്മാനും കൈല് ജാമിസണും ടീമിൽ ഇടംപിടിച്ചു. ആറടി എട്ടിഞ്ചുകാരനായ പേസര് ജാമിസണിന്റെ അരങ്ങേറ്റ മത്സരം കൂടിയാണിത്.
