മലാഗ: കോവിഡ്-19 ബാധയേറ്റ സ്പെയിനിലെ യൂത്ത് ക്ലബ്ബിന്റെ പരിശീലകന് മരണമടഞ്ഞു. അത്ലറ്റികോ പോര്ട്ടാഡ ആള്ട്ടയുടെ യൂത്ത് ടീമിന്റെ കോച്ചായിരുന്ന ഫ്രാന്സിസ്കോ ഗാര്സിയയാണ് മരണത്തിന് കീഴടങ്ങിയത്. യൂത്ത് ടീമിന്റെ പരിശീലകന് എന്നതിലുപരി ഏറ്റവും പ്രായം കുറഞ്ഞയാളെന്ന നിലയില് 21 കാരനായ ഗാര്സിയ ക്ലബ്ബ് ഫുട്ബോളില് ഏറെ ചര്ച്ച ചെയ്യപ്പെട്ടയാളാണ്.
ഗാര്സിയ കോവിഡ്-19 ബാധിക്കുന്നതിന് മുന്നേ തന്നെ അര്ബുദ ബാധ മൂലം ചികിത്സയിലായിരുന്നു. കടുത്ത ശ്വാസ തടസ്സമാണ് ആദ്യം അനുഭവപ്പെട്ടത്. പിന്നീടുള്ള വിശദമായ പരിശോധനയില് കോവിഡ്-19 കാരണമാണ് അണുബാധ ശക്തമായതെന്ന് ക്ലബ്ബ് വൃത്തങ്ങളറിയിച്ചു.
ഞായറാഴ്ച ഉച്ചയോടെ രോഗം മൂര്ഛിക്കുകയും മരണം സംഭവിക്കുകയുമായിരുന്നു. തിങ്കളാഴ്ച രാവിലെയാണ് മരണം സംബന്ധിച്ച സ്ഥിരീകരണം ഔദ്യോഗികമായി ആശുപത്രി അധികൃതര് നല്കിയത്. തുടര്ന്നാണ് ക്ലബ്ബ് വാര്ത്താക്കുറിപ്പിറക്കിയത്.
