മാഡ്രിഡ്: സ്പാനിഷ് ഫുട്ബോള് ലീഗിലെ ശക്തരായ വലന്സിയ ക്ലബ്ബിന്റെ കായികതാരങ്ങളും മറ്റ് ക്ലബ്ബ് അധികൃതര്ക്കും കോവിഡ്-19 ബാധ സ്ഥിരീകരിച്ചു. ആകെ 35 പേര്ക്കാണ് അണുബാധ സ്ഥിരീകരിച്ചത്. എല്ലാവരും ആരോഗ്യവകുപ്പിന്റെ കീഴില് ചികിത്സയിലേക്ക് പോകാന് ക്ലബ്ബ് കളിക്കാരോട് നിര്ദ്ദേശിച്ചിരിക്കുകയാണ്.
നിരവധി പേരെ പരിശോധനക്ക് തങ്ങള് വിധേയരാക്കി. മുന്നേ രോഗലക്ഷണം കണ്ടവരെ വീടുകളില്ത്തന്നെ തുടരാനാണ് നിശ്ചയിച്ചത്. ആരോഗ്യവകുപ്പിന്റെ പരിശോധനാ ഫലം വരുന്ന മുറക്ക് പരിശീലന പരിപാടികള് തുടരണോ വേണ്ടയോ എന്ന് തീരുമാനിക്കും’ വലന്സിയ അധികൃതര് കഴിഞ്ഞ ദിവസം വാര്ത്താക്കുറിപ്പിലൂടെ നല്കിയ വിവരം ഇതായിരുന്നു.
ശക്തമായ നിരീക്ഷണങ്ങളും പരിശോധനകള്ക്കും ശേഷമാണ് കഴിഞ്ഞ മാസം 19-ാം തിയതി ഇറ്റലിയിലെ മിലാനില് അത്ലാന്റക്കെതിരെ വലന്സിയ യുവേഫാ ചാമ്പ്യന്സ് ലീഗ് കളിക്കാനിറങ്ങിയത്. ക്ലബ്ബംഗങ്ങളും എതിര് ക്ലബ്ബിന്റെ താരങ്ങളുമെല്ലാം പരമാവധി അകലം പാലിക്കുകയും മുന്കരുതലെടുക്കുകയും ചെയ്തിട്ടും തങ്ങളുടെ 35 പേര്ക്ക് കോവിഡ്-19 പോസിറ്റീവായത് അത്ഭുതപ്പെടുത്തുന്നതായി വലന്സിയ അധികൃതര് പറഞ്ഞു.
ഇതിനിടെ ഇറ്റലിയുടെ ലീഗായ ലാ ലീഗയുടെ കോവിഡ്-19 ബാധിതനായ ആദ്യതാരമായി അര്ജ്ജന്റീന താരം ഇക്വിയല് ഗാരായ് മാറി.’ 2020 താന് ക്ലബ്ബിനായി വേണ്ട രീതിയിലല്ല കളിച്ചത്. ഇപ്പോള് കോവിഡ്-19നും പിടിപെട്ടിരിക്കുന്നു. നിലവില് ആരോഗ്യ പ്രശ്നങ്ങളൊന്നുമില്ല. എന്നാലും നിരീക്ഷണത്തിലാണ്.’ ഗാരായ് പറഞ്ഞു.
