ബ്യൂണസ് അയേഴ്സ്: ലാറ്റിന് അമേരിക്കയുടെ ഫുട്ബോള് വശ്യതവിരിയുന്ന കോപ്പാ അമേരിക്ക മത്സരങ്ങള് അടുത്ത വര്ഷത്തേക്ക് മാറ്റി. മത്സരങ്ങള് 2012ലേക്ക് മാറ്റിയതായി അമേരിക്കന് ഫുട്ബോള് കോണ്ഫെഡറേഷനാണ് വിവരം കൈമാറിയത്.
ആകെ 12 ടീമുകള് പങ്കെടുക്കുന്ന മത്സരങ്ങള് ഈ വര്ഷം ജൂണ് 12 മുതല് ജൂലൈ 12 വരെയാണ് നടക്കേണ്ടിയിരുന്നത്. കൊളംബിയയിലും അര്ജ്ജന്റീനയിലുമായിട്ടാണ് കോപ്പാ അമേരിക്ക മത്സരങ്ങള് നടത്താനിരുന്നത്. ഇനി 2021ല് മത്സരം നടത്താനാണ് സംഘാടകരായ അമേരിക്കന് ഫുട്ബോള് കോണ്ഫെഡറേഷന് നിശ്ചയിച്ചിരിക്കുന്നത്.
കോപ്പാ അമേരിക്ക ചരിത്രത്തിലെ അസാധാരണ സംഭവം എന്നാണ് ഫെഡറേഷന് പ്രസിഡന്റ് അലീജാന്ഡ്രോ ഡോമിന്ഗസ് പറഞ്ഞു. 2021 ജൂണ് 11 മുതല് ജൂലൈ 11 വരെയാണ് കോപ്പാ അമേരിക്ക മത്സരങ്ങള് നടക്കുക.
‘ഈ തീരുമാനമെടുക്കല് ഒട്ടും എളുപ്പമായിരുന്നില്ല. എന്നാല് നമ്മുടെ ഫുട്ബോള് താരങ്ങ ളുടേയും കളികാണാനെത്തുന്നവരുടേയും ആരോഗ്യസുരക്ഷ ഏറെ പ്രധാനപ്പെട്ടതാണ്. ദക്ഷിണ അമേരിക്കയുടെ ജനസമൂഹം തങ്ങളുടെ വിശാലമായ ഫുട്ബോള് കുടുംബമാണ്. ഫുടേബോള് ലോകത്തെ ഏറ്റവും പഴയ കായിക മത്സരങ്ങളിലൊന്നായ കോപ്പാ അമേരിക്ക 2021ല് ഏറ്റവും മികച്ച രീതിയില് തിരിച്ചുവരും’ ഡോമിന്ഗസ് സൂചിപ്പിച്ചു.
