മുംബൈ: ഇന്ത്യന് ക്രിക്കറ്റിനെ വേറിട്ട പോരാട്ട വീര്യം നല്കിയ സൗരവ് ഗാംഗുലിക്ക് ഇന്ന് ചരിത്ര ദിനം. ഇന്നേ ദിവസമാണ് 2003ലെ ലോകകപ്പ് ക്രിക്കറ്റില് ചരിത്ര നേട്ടത്തിന്റ ഓര്മ്മദിനമായി മാറുന്നത്. 2003ലെ ലോകകപ്പ് ക്രിക്കറ്റിലെ നോക്കൗട്ട് മത്സരത്തില് ആദ്യമായി സെഞ്ച്വറി നേട്ടം കൈവരിച്ച ദിനമാണിത്. ആദ്യമായാണ് അന്നേ ദിവസം ഒരു ഇന്ത്യന് താരം സെഞ്ച്വറി നേട്ടം കരസ്ഥമാക്കിയത.
അതേ വര്ഷം വിദേശത്തും വെന്നിക്കൊടി പാറിച്ചാണ് ഗാംഗുലിയുടെ നേതൃത്വത്തില് ടീം ഇന്ത്യ നീലക്കുപ്പായത്തില് ഇന്ത്യയിലേക്ക് മടങ്ങിയെത്തിയത്. ഇന്ത്യന് യുവനിരക്ക് ശക്തമായ പിന്തുണ നല്കിയ ക്യാപ്റ്റനാണ് ഗാംഗുലി എന്ന കൊല്ക്കത്തയുടെ രാജകുമാരന്. സെമി യില് കെനിയക്കെതിരെയാണ് ഗാംഗുലി സെഞ്ച്വറി നേടി ടീമിനെ ഫൈനലിലെത്തിച്ചത്.
ഡര്ബനിലെ കിംഗ്സ്മെഡില് ടോസ്സ് നേടിയ ഇന്ത്യക്കായി ഓപ്പണര്മാരായ സെവാഗും സച്ചിനും 74 റണ്സ് ചേര്ത്തു. 33 റണ്സെടുത്ത സെവാഗ് മടങ്ങിയ ശേഷമെത്തിയ ഗാംഗുലി സച്ചിനൊപ്പം(83) 103 റണ്സ് ആദ്യമേ കൂട്ടിച്ചേര്ത്തു. തുടര്ന്നാണ് 111 റണ്സെന്ന തന്റെ വ്യക്തി ഗത നേട്ടത്തോടെ ടീമിനെ 4ന് 270 എന്ന നിലയില് എത്തിച്ചത്. അഞ്ചു ഫോറും അഞ്ച് സിക്സറുകളുമടക്കമാണ് ഗാംഗുലി 111 എടുത്തത്. ഫൈനലില് ആ വര്ഷം ഇന്ത്യ കിരീടം കൈവിട്ടത് ഓസ്ട്രേലിയക്കെതിരെയാണ്. ക്രിക്കറ്റില് നിന്ന് വിരമിക്കുമ്പോള് ഗാംഗുലി ഏകദിനങ്ങളില് 11363 റണ്സും ടെസ്റ്റില് 7212 റണ്സുമാണ് നേടിയത്.